2015లో యూపీఎస్సీ బ్యాచ్‌లో టాపర్‌గా నిలిచిన ఐఏఎస్ టీనా దాబీ నిత్యం వార్తల్లో నిలుస్తోంది. సోషల్ మీడియాలో ఇప్పటికే ఆమె కెరీర్, వ్యక్తిగత జీవితం, ఆమె విజయాలను డాక్యుమెంట్ చేయడం వంటి వివరాలతో పాపులర్ కాగా.. ఆమె జైసల్మేర్‌కు తొలి మహిళా కలెక్టర్‌గా చరిత్ర సృష్టించింది. ఐఏఎస్ అథర్ అమీర్ ఖాన్ నుంచి విడాకులు తీసుకున్న తర్వాత ఆమె ప్రదీప్ గవాండేను వివాహం చేసుకోవడం కూడా అప్పట్లో హాట్ టాపిక్ గా నిలిచింది. ఇప్పుడు, సెప్టెంబర్ 15న భర్త ప్రదీప్ గవాండేతో కలిసి తన మొదటి బిడ్డను స్వాగతించి మరోసారి వార్తల్లోకెక్కింది.
వీరు ఏప్రిల్ 2022లో వివాహం చేసుకున్నారు. ఇప్పుడు ఒక మగబిడ్డకు జన్మనిచ్చారు. జూలైలో, దాబీ తన ప్రసూతి సెలవును ప్రారంభించడానికి ముందు సోషల్ మీడియాలో ఒక పోస్ట్‌ను పంచుకుంది. తన పదవీ కాలంలో జైసల్మేర్ ప్రజలు చూపిన ప్రేమ, మద్దతుకు ఆమె ధన్యవాదాలు తెలిపింది. జిల్లాకు సేవ చేయడం శుభపరిణామమని ఆమె చెప్పింది. ఈ క్రమంలో జైసల్మేర్‌లో జిల్లా కలెక్టర్, మేజిస్ట్రేట్‌గా ఉన్న సమయంలో నిర్వహించిన వివిధ కార్యక్రమాలకు సంబంధించిన పలు ఫొటోలను శ్రేణిని పంచుకుంది. ఇందులో స్వచ్ఛ జైసన్, లేడీస్ ఫస్ట్ (జైసాన్ శక్తి), అలాగే నీతి ఆయోగ్ ఆకాంక్షాత్మక జిల్లా కార్యక్రమంలో ఆల్ ఇండియా ర్యాంక్ 2 పొందడం కూడా ఉంది.
దాబీ ఢిల్లీలోని లేడీ శ్రీ రామ్ కాలేజీ పూర్వ విద్యార్థిని. సివిల్ సర్వీసెస్ పరీక్షలో టాపర్‌గా నిలిచిన మొదటి దళితురాలు కావడంతో ఆమె వెలుగులోకి వచ్చింది. జైసల్మేర్ జిల్లా కలెక్టర్‌గా నియమితులయ్యే ముందు, ఆమె రాజస్థాన్ ఆర్థిక శాఖలో సంయుక్త కార్యదర్శిగా పని చేసింది.
