హమాస్ మిలిటెంట్లతో యుద్ధంలో ఇజ్రాయెల్ సైన్యం దట్టమైన పట్టణ పరిసరాల్లోకి దూసుకెళ్లడంతో వేలాది మంది పాలస్తీనియన్లు ఉత్తర గాజా నుంచి పారిపోతున్నారు. ఇప్పటివరకు పాలస్తీనియన్ల మృతుల సంఖ్య 11వేల మందిని అధిగమించిందని ముట్టడి చేసిన ఎన్‌క్లేవ్‌లోని అధికారులు తెలిపారు. యుద్ధం తీవ్రతరం కావడంతో గాజాలో భద్రత మరింత నిరాశాజనకంగా ఉంది.
గాజాలోని 36 ఆసుపత్రుల్లో 20 ఇప్పుడు పని చేయడం లేదని ప్రపంచ ఆరోగ్య సంస్థ నవంబర్ 10న తెలిపింది. ఈ ప్రాంతంలో ఇజ్రాయెల్ దాడుల కారణంగా కార్యకలాపాలు ఆగిపోయిన పీడియాట్రిక్ ఆసుపత్రితో సహా పలు ఆస్పత్రులున్నాయి. "ఈ రోజు భూమిపై నరకం ఏదైనా ఉందంటే, దాని పేరు ఉత్తర గాజానే" అని UN మానవతా సంస్థ ప్రతినిధి జెన్స్ లార్కే జెనీవాలో అన్నారు.
యుద్ధం ప్రారంభమైనప్పటి నుంచి గాజాలోని 2.3 మిలియన్ల జనాభాలో మూడింట రెండు వంతుల మంది తమ ఇళ్లను వదిలి పారిపోయారు. దక్షిణాదిలో, యుద్ధం రెండవ నెలలోకి ప్రవేశించినందున ఆహారం, నీటి సరఫరా తగ్గిపోవడంతో వారు తీవ్ర ఇబ్బందులు ఎదుర్కొంటున్నారు. ఇక ఇజ్రాయెల్‌లో 12వందల మందికి పైగా మరణించారు, వారిలో ఎక్కువ మంది హమాస్ దాడిలో మరణించారు. దాదాపు 240 మంది బందీలను ఇజ్రాయెల్ నుంచి గాజాలోకి పాలస్తీనా మిలిటెంట్లు తీసుకున్నారు.
