ఖుషీ.. ఖుషీగా.. క్లాస్!
స్ర్టెస్ని తగ్గించుకోవాలంటే పెయింటింగ్స్ గీయాలని శానా మంది చెప్తరు. తలభారం తగ్గించుకోనీకి ఆర్ట్ నేర్చుకుందామని పోతే… అక్కడ ఆఫీస్ వర్క్ని మించిన స్ర్టెస్! ఇప్పుడేం జేయాలని తెల్లబోకుండ.. ‘అర్టోచీనొ స్టూడియో’కి రండి. ఇక్కడికి నచ్చినప్పుడు రావొచ్చు. మ్యూజిక్ వింటా బొమ్మలు గీయొచ్చు. కాఫీలు తాగుతా క్లాస్ వినొచ్చు. ఫ్రెండ్స్ని గూడ తీస్కపోయి ఎంజాయ్ చేయొచ్చు. ఇక్కడ చెప్పే ఆర్ట్ క్లాసులు చూస్తే ‘క్లాసే ఒక ఆర్ట్’ అని ఒప్పుకుంటరు.
ఆర్ట్ నేర్చుకోవాలని చానామంది పెద్దోళ్లకుంటది. నేర్చుకుందామంటే.. టైం ఉండదు. ఉంటే.. ఎంకరేజ్మెంట్ఉండదు. రిలాక్స్ కోసమనే ఆర్ట్ నేర్చుకోవాలనుకుంటరు. అట్లని, ఆర్ట్ క్లాసులకు పోతే రిలాక్సేషన్ ఉండదు. కోర్సులో చేరామంటే ఇన్ని క్లాసులని లెక్క ఉంటది. అన్ని రోజుల్లో కచ్చితంగా ఆ క్లాసులు వినాలె, ప్రాక్టీస్ చేయాలె. గంతె. ఇంకో ముచ్చటే లేదు. గిట్లనే చానా మంది ఆర్ట్ నేర్చుకోవాలన్న ఆలోచనకు పుల్స్టాప్ పెడతరు. నేర్చుకునేటోళ్లు పక్కవాళ్లని చూసి సెల్ఫ్ కాన్సిడెన్స్ పోయి, మానేస్తరు. ఇసుంటి రూల్స్ని బ్రేక్ చేసిన స్టూడియో ‘అర్టోచీనొ’. హైదరాబాద్లోని మాదాపూర్లో నెలన్నర కింద దీనిని స్టార్ట్ చేసినరు. ఇక్కడ నేర్పేవాళ్లు రూల్స్ పెట్టలే. నేర్చుకోవాలనుకునేవాళ్లు స్వేచ్ఛగా నేర్చుకోవచ్చు.
అర్టోచీనొ స్టూడియోని శ్వేత స్టార్ట్ చేసింది. తను మంచి ఆర్టిస్ట్. ‘పిట్ట కొంచెమైనా కూత ఘనం’ అన్నట్టు ఇంటర్మీడియెయట్ ఫస్ట్ ఇయర్లోనే పెయింటింగ్ ఎగ్జిబిషన్ చేసింది. ఒక్కో పెయింటింగ్ని పాతిక వేలకు అమ్మింది. చిన్న వయసులో అంతెత్తుకు చేరిందంటే.. ఎంత చిన్న వయసులో ట్రావెల్ మొదలుపెట్టిందో! ఇంటికి వచ్చే పేపర్లో ఆదివారం పుస్తకంలో చుక్కలు కలిపి బొమ్మలు గీసి, బొమ్మలకు రంగులద్ది, వాటినే వేరే కాగితంపై డిటో దింపిందట. బిడ్డ గీసిన బొమ్మలు చూసి వాళ్లమ్మ మస్త్ ముచ్చటపడి డ్రాయింగ్ స్కూల్లో చేర్పించింది. అక్కడ మొదలైంది అసలు కథ.
స్ర్టెస్ స్ర్టాటజీ
శ్వేత మూడో తరగతి చదివేప్పుడు ఆర్ట్ నేర్చుకోడానికి డైలీ క్లాసులకు, సమ్మర్ క్లాసులకు పోయేది. ఆమెకు ఆర్ట్ అంటే బాగా ఇష్టం. సంగీతం అంటే కూడా ఇష్టమే. అప్పటికే కర్నాటక సంగీతం నేర్చుకుంది. ఇళయరాజా పాటలు వినకుండా ఆమెకు రోజు గడవదు. ఆ పాటలు వింటేనే ఆమె హ్యాపీగా ఉంటుంది. కానీ, ఆర్ట్ క్లాసులు చాలా స్ర్టిక్ట్ పద్ధతుల్లో ఉంటయ్. ఫోన్ వాడకూడదు. మ్యూజిక్ వినకూడదు. ఖాళీగా ఉండకూడదు. ఇష్టం లేకున్నా కష్టంగానైనా ప్రాక్టీస్ చేయాల్సిందే. ‘ఇదేం క్లాసురా బాబు’ అని తలపట్టుకునేది. ఇట్లాంటి ఇబ్బంది లేకుంటే ఇంకా బాగా నేర్చుకోవచ్చని శ్వేత అనుకునేది. ఎట్లయితేనేం కష్టపడి నేర్చుకున్నది. ఆ తర్వాత ఆరేళ్లు కష్టపడి ప్రొఫెషనల్ ఆర్టిస్ట్గా ఇంప్రూవ్ చేసుకున్నది. మూడు ఎగ్జిబిషన్స్ కూడా చేసింది.
ఇంటర్మీడియెట్ తర్వాత కొంచెం చదువు మీద ఎక్కువ ఇంట్రస్ట్ చూపించింది. లండన్ పోయి ఫైనాన్స్ అండ్ అకౌంటింగ్లో మాస్టర్ డిగ్రీ చేసి వచ్చింది. వచ్చిన కొద్ది నెలలకే లాక్ డౌన్ పెట్టినరు. ఇప్పుడు వర్క్ఫ్రమ్ హోమ్, కోవిడ్ భయంతో జనంలో మెంటల్ స్ర్టెస్ పెరిగింది. అది తగ్గించడానికి పెయింటింగ్స్ గీయమని చెబితే ఎవరు గీస్తరు? తనలాగే నేర్చుకోవడానికి ఇంకొంచెం స్ర్టెస్ని తలకెక్కించుకోవడానికి ఎవరు సాహసిస్తరు? అందుకే ఆర్ట్ని ఆడుతూ, పాడుతూ, హాయిగా గీస్తూ, ఇష్టంగా నేర్చుకునే స్టూడియోని స్టార్ట్ చేసింది.
ప్యాషన్కి పేరెంట్స్ సపోర్ట్
శ్వేతకు ఆర్ట్ కన్నా ఫైనాన్స్ అండ్ అకౌంటింగ్స్ చాలా ఇష్టం. కానీ దాని ప్రయారిటీ ఇప్పుడు మారింది. పరిస్థితులే ఇట్ల మార్చినయని శ్వేత అంటున్నది. అమ్మాయి ఆర్ట్ స్టూడియో పెడతనంటే.. ‘పెద్ద కంపెనీలో చేరాలె, మంచి ఉద్యోగం చేయాలె’ అని అమ్మానాన్న వద్దనలేదట. ‘నచ్చినపనే చెయ్’ అన్నరు. అవరసమైనంత డబ్బులిచ్చి సపోర్ట్ చేసినరు. అట్ల శ్వేత ప్యాషన్, వాళ్ల పేరెంట్స్ ఫైనాన్స్తో ఈ స్టూడియో స్టార్ట్ అయింది.
ఆర్ట్ అంటేనే రిలాక్సేషన్
నేను చాలా స్ర్టిక్ట్ . ఎన్విరాన్మెంట్లో ఆర్ట్ నేర్చుకున్నాను. కోర్స్ ఇలాగే పూర్తి చేయాలనే రూల్ ఉండేది. పాటలు వినకూడదు, పాడకూడదు. కానీ, సంగీతం లేకుండా ఉండలేను. ఇంకా ఫ్రీగా ఉంటే ఎంతో బాగుండేది. నేను ఇన్ని క్లాసులని కోర్సుకి కమిట్మెంట్ ఇవ్వకపోయినా అన్ని విషయాలూ నేర్పిస్తాను. వాళ్లు నేర్చుకోలేక పోయినా ఫర్వాలేదు. కానీ, నేర్చుకోవాలనే కోరిక వదులుకోకూడదు. అందుకే చుట్టూ చెట్ల మధ్య ట్రెడిషనల్గా ఉండే ఇంట్లో ఈ స్టూడియో స్టార్ట్ చేశాను. ఆర్ట్ ఎప్పుడూ రిలాక్సేషనే. నేర్చుకున్నా, నేర్పినా హ్యాపీనెస్ ఇస్తది. – శ్వేత ధూళిపాళ
హ్యాపీగా… జాలీగా
అర్టోచీనొ స్టూడియోకి ఉత్తచేతులతో పోతే చాలు. ఆర్ట్ మెటీరియల్ అంతా వాళ్లే ఇస్తరు. ఇష్టముంటే డ్రాయింగ్ గీయొచ్చు. ఇష్టం లేదంటే హాట్ కాఫీ ఇస్తరు. కాఫీ తాగుతూ ఫ్రెండ్స్తో ముచ్చట్లు పెట్టొచ్చు. బుద్ది మారితే మళ్లీ డ్రాయింగ్ గీయొచ్చు. డౌట్స్ ఉంటే శ్వేతని అడగొచ్చు (అదే ఇక క్లాస్). మూడ్ మారిందంటే వదిలేసి పోవచ్చు. రేపొచ్చి కంటిన్యూ చేయొచ్చు. పేయింటింగ్ని ఇంటికి తీసుకపోవచ్చు. మ్యూజిక్, మూవీస్, ఈటింగ్, చాటింగ్తో సాగే ఆర్ట్ క్లాస్లకి 40 మంది దాకా వస్తున్నరు. ఆర్ట్ ఎట్ల గీస్తరో చూద్దామని వచ్చినోళ్లు కూడా ‘ఇంతేనా’ అని బ్రష్ పట్టి, రంగులు అద్దడం మొదలుపెట్టినోళ్లూ ఉన్నరు. :::నాగవర్ధన్ రాయల
ఇక్కడ చెప్పే ఆర్ట్ క్లాసులు చూస్తే.. ‘క్లాసే ఒక ఆర్ట్’ అని ఒప్పుకుంటరు
- లైఫ్
- December 23, 2020
లేటెస్ట్
- Summer Tour : ఎండాకాలం సెలవులకు తాతయ్య ఊరు వెళుతున్నారా..!
- రాజస్థాన్ రాయల్స్ టీమ్ లోకి కేశవ్ మహారాజ్ రాయల్ ఎంట్రీ..
- బాబు మోహన్ కు ఫోన్ చేసిన కేసీఆర్.. వరంగల్ ఎంపీ టికెట్ ఎవరికీ?
- Mechanic Rocky First Look: మాస్ అవతార్లో మెకానిక్ రాకీ.. విశ్వక్ ఫస్ట్ లుక్ అదిరింది!
- రామచిలుకలకు టికెట్ కొట్టిన ఆర్టీసీ కండక్టర్
- కెప్టెన్ అయినా, ఎక్స్ ట్రా ప్లేయరైనా ఒకేలా గౌరవించాలి - సోను సూద్ ట్వీట్..
- Prathinidhi 2 Teaser: అభివృద్ధి.. అదెక్కడ ఉంటుంది సార్.. ఆసక్తిరేపుతున్న ప్రతినిధి2 టీజర్
- సీఎం రేవంత్ రెడ్డితో కేకే భేటీ
- మాజీ మంత్రి కేటీఆర్ పై కేసు నమోదు
- Inspector Rishi OTT Official: OTTకి వచ్చేసిన హారర్ క్రైమ్ థ్రిల్లర్.. క్షణక్షణం ఉత్కంఠం!
Most Read News
- CBSE విధానంపై తల్లిదండ్రుల ఆందోళన
- గుడ్ఫ్రైడే విశిష్టత.. చరిత్ర, ప్రాముఖ్యత తెలుసా...
- Naveen Polishetty: అమెరికాలో హీరో నవీన్ పోలిశెట్టికి బైక్ యాక్సిడెంట్
- BRS పార్టీకి బిగ్షాక్..పోటీనుంచి తప్పుకున్న కడియం కావ్య
- Ram Charan, Samantha: రియల్ ఓజీ రామ్ చరణ్.. కొత్త కన్ఫ్యూజన్ క్రియేట్ చేసిన సమంత
- కోటి రూపాయల పురుగు.. అతి ఖరీదైన కీటకంగా స్టాక్ బీటిల్
- పోలీస్స్టేషన్లో దావత్.. కానిస్టేబుళ్ల సస్పెన్షన్
- Premalu Record Collections: తెలుగులో చరిత్ర సృష్టించిన ప్రేమలు.. టాప్ స్టార్స్ సైతం ఔట్
- Good Health: చింతగింజలతో ఆ సమస్యలకు చెక్ పెట్టొచ్చు...
- హైదరాబాద్లో కల్తీ మందులు స్వాధీనం