న్యూఢిల్లీ: కరోనాపై పోరులో ఇండియన్ ఇనిస్టిట్యూట్ ఆఫ్ టెక్నాలజీ (ఐఐటీ)లు కీలక పాత్ర పోషిస్తున్నాయి. టెస్టింగ్ కిట్ల నుంచి మెడికల్ పరికరాల వరకు అన్నింటినీ తయారు చేస్తూ ముందు వరుసలో నిలుస్తున్నాయి. ఈమధ్యనే ఐఐటీ ఢిల్లీ కరోనా టెస్టింగ్ కిట్ను తయారు చేసింది. దాని పనితీరును పరిశీలించిన ఇండియన్ కౌన్సిల్ ఆఫ్ మెడికల్ రీసెర్చ్ (ఐసీఎంఆర్), టెస్టింగ్కు కిట్ ఓకే చెప్పింది. దాని ఖరీదు కూడా చాలా తక్కువ. ఆ బాటలోనే దేశంలోని 18 ఐఐటీలు 208 ప్రాజెక్టులపై పనిచేస్తున్నాయి. ఆ ప్రాజెక్టులకు రూ.120 కోట్ల మేర ఖర్చు పెడుతున్నాయి. మరి, ఏయే ఐఐటీలు ఏమేం తయారు చేస్తున్నాయి? ఇదిగో ఆ లిస్ట్…
ఐఐటీ ఖరగ్పూర్: మొత్తం 14 ప్రాజెక్టులపై పనిచేస్తోంది ఐఐటీ ఖరగ్పూర్. 4 పీపీఈ కిట్స్, 4 టెస్టింగ్కిట్లు, ఒక శానిటైజేషన్, 2 మెడికల్ పరికరాలు/రోబో, 2 ట్రీట్మెంట్ ప్రాజెక్టులు, ఒక డేటా ఎనలిటిక్స్ ప్రాజెక్టులు క్యూలో ఉన్నాయి.
ఐఐటీ మద్రాస్: 25 ప్రాజెక్టులపై పనిచేస్తోంది. 5 పీపీఈ కిట్లు, 5 టెస్టింగ్ కిట్లు, 5 శానిటైజేషన్, 5 మెడికల్ పరికరాలు/రోబో, 3 సర్వైలెన్స్ (నిఘా), 2 ట్రీట్మెంట్ సంబంధిత ప్రాజెక్టులు నడుస్తున్నాయి.
ఐఐటీ బాంబే: 10 ప్రాజెక్టులపై వర్క్ చేస్తోంది. 3 శానిటైజేషన్, ఒక మెడికల్ ఎక్విప్మెంట్/రోబో, 2 సర్వైలెన్స్, 4 ట్రీట్మెంట్ సంబంధ ప్రాజెక్టులు లైన్లో ఉన్నాయి.
ఐఐటీ ఢిల్లీ: 12 ప్రాజెక్టులు క్యూలో ఉన్నాయి. అందులో 5 పీపీఈ కిట్స్, 2 టెస్టింగ్ కిట్లు, ఒక శానిటైజేషన్, ఒక మెడికల్ ఎక్విప్మెంట్, 3 ట్రీట్మెంట్ సంబంధ ప్రాజెక్టులున్నాయి.
ఐఐటీ కాన్పూర్: 6 ప్రాజెక్టులపై పనిచేస్తోంది ఐఐటీ కాన్పూర్. ఒక పీపీఈ ప్రాజెక్ట్, ఒక శానిటైజేషన్, 2 మెడికల్ ఎక్విప్మెంట్/రోబో, ఒక సర్వైలెన్స్, ఒక ట్రీట్మెంట్ ప్రాజెక్టులు ఆ లిస్టులో ఉన్నాయి.
ఐఐటీ గౌహతి: 34 ప్రాజెక్టులపై పనిచేస్తోంది. 12 పీపీఈ ప్రాజెక్టులు, 2 టెస్టింగ్ కిట్లు, 2 శానిటైజేషన్, 12 మెడికల్ ఎక్విప్మెంట్/రోబో, ఒక సర్వైలెన్స్, 2 ట్రీట్మెంట్ ప్రాజెక్టులు, 3 డేటా ఎనలిటిక్స్, ఏఐ మోడల్ అండ్ ఎపిడెమిక్ ప్యాటర్న్, డిసీజ్ డైనమిక్స్ప్రాజెక్టులపై పరిశోధనలు నడుస్తున్నాయి.
ఐఐటీ మండి: ఐఐటీ మండి మూడు ప్రాజెక్టులపై పనిచేస్తోంది.
ఐఐటీ పాలక్కడ్: పది ప్రాజెక్టులపై పరిశోధనలు నడుస్తున్నాయి. ఇవి కాకుండా ఐఐటీ రూర్కీ, హైదరాబాద్, భువనేశ్వర్, జోధ్పూర్, ఇండోర్, ధన్బాద్, జమ్మూ, బీహెచ్యూ, పాట్నా, గోవాల్లోని ఐఐటీలు కరోనాకు సంబంధించి వివిధ ప్రాజెక్టులపై పనిచేస్తున్నాయి.