మణుగూరు, వెలుగు : మణుగూరులో డాక్టర్నంటూ జ్యువెలరీ వ్యాపారిని నమ్మించి ఓ గుర్తుతెలియని వ్యక్తి 12 గ్రాముల గోల్డ్ చైన్కొట్టేశాడు. వివరాలు ఇలా ఉన్నాయి. స్థానిక శ్రీలక్ష్మిశ్రీనివాస జ్యువెలరీస్షాపు యజమానికి మంగళవారం ఓ వ్యక్తి కాల్చేసి తాను సింగరేణి హాస్పిటల్డాక్టర్ ని అంటూ పరిచయం చేసుకున్నాడు. ఇటీవల మణుగూరు ఏరియా ఆసుపత్రికి బదిలీపై వచ్చానని చెప్పాడు. తనకు అత్యవసరంగా ఓ గోల్డ్ చైన్ కావాలని, హాస్పిటల్సిబ్బందిని అడిగితే మీ షాపు పేరు చెప్పారని తెలిపాడు. అలా వ్యాపారిని మాటల్లో పెట్టి గోల్డ్చైన్లకు సంబంధించిన ఫొటోలను వాట్సాప్చేయమని అడిగాడు. అందులో ఒకటి సెలక్ట్చేసుకుని, తాను హాస్పిటల్లో బిజీగా ఉన్నానని, చైన్పంపిస్తే డబ్బులు ఇస్తానని నమ్మబలికాడు.
దీంతో వ్యాపారి తన అసిస్టెంట్ కు 12 గ్రాముల చైన్ఇచ్చి హాస్పిటల్కు పంపించాడు. డాక్టర్వేషధారణలో హాస్పిటల్నుంచి బయటకు వచ్చిన గుర్తుతెలియని వ్యక్తి వ్యాపారి అసిస్టెంట్వద్ద చైన్ తీసుకున్నాడు. తన చాంబర్ లోకి వెళ్లి డబ్బు తీసుకొస్తానని చెప్పి పరారయ్యాడు. ఎంతకీ బయటికి రాకపోవడంతో లోనికి వెళ్లి చూడగా అక్కడ వేరే డాక్టర్ఉన్నాడు. కంగుతిన్న వ్యాపారి అసిస్టెంట్తన ఓనర్ కి ఫోన్చేసి విషయం చెప్పాడు. గుర్తుతెలియని వ్యక్తి నంబర్కు కాల్చేయగా స్విచ్ఆఫ్వచ్చింది. వెంటనే బాధితుడు పోలీసులకు ఫిర్యాదు చేశాడు.
