- ఇందూరు నుంచి రెండోసారి బరిలో యువనేత
- పార్టీ మారిన మర్నాడే జహీరాబాద్ టికెట్ దక్కించుకున్న పాటిల్
నిజామాబాద్, వెలుగు : నిజామాబాద్ సిట్టింగ్ ఎంపీ ధర్మపురి అర్వింద్ మరో సారి ఇందూరు ఎంపీ బరిలో నిలువనున్నారు. శనివారం పార్టీ అధిష్టానం ఆయన పేరును ఖరారు చేసింది. పొలిటికల్ఫ్యామిలీ బ్యాగ్రౌండ్ఉన్న అర్వింద్ బీజేపీతో తన రాజకీయ ప్రస్థానాన్ని షురూ చేశారు. 2019 లో మొదటి సారి ఇందూరు నుంచి బరిలో నిలిచి సంచలన విజయాన్ని నమోదు చేశారు. బీఆర్ఎస్చీఫ్కేసీఆర్ తనయ కవితను ఓడించి అందరి దృష్టిని ఆకర్షించారు. ఎంపీగా గెలిచాక సెగ్మెంట్లో పార్టీపై పూర్తి పట్టు సాధించారు.
గడిచిన ఐదేండ్లు కేసీఆర్, ఆయన కుటుంబ సభ్యులపై పదునైన కామెంట్లతో క్రేజ్ లీడర్ గా గుర్తింపు సాధించారు. మొన్నటి అసెంబ్లీ ఎన్నిక్లో కోరుట్ల నుంచి పోటీ చేసి ఓడినా, ఆర్మూర్, అర్బన్లో పార్టీ అభ్యర్థుల గెలుపులో కీలకంగా వ్యవహరించారు. ఎంపీ టికెట్తనకే తక్కుందనే ధీమాతో 20 రోజుల నుంచే ప్రచారం షురూ చేశారు. మరో ఇద్దరు నేతలు టికెట్ఆశించినా అర్వింద్దరిదాపుల్లోకి రాలేకపోయారు. అర్వింద్కు టికెట్ఇవ్వొద్దని కొందరు నిరసన తెలిపినా అధిష్టానం మాత్రం పరిగణనలోకి తీసుకోలేదు.
చేరికతోనే టికెట్
కామారెడ్డి: జహీరాబాద్ బీజేపీ ఎంపీ అభ్యర్థిగా అధిష్టానం అనూహ్యంగా బీబీపాటిల్ పేరును ప్రకటించింది. పార్టీలో చేరిన మరుసటి రోజే ఆయనకు టికెట్ రావడం విశేషం. బీఆర్ఎస్ సిట్టింగ్ ఎంపీగా ఉన్న ఆయన శుక్రవారం పార్టీకి రాజీనామా చేశారు. తన రాజీనామా లేఖను పార్టీ అధినేత కేసీఆర్కు పంపిన కొన్ని నిమిషాల్లోనే ఢిల్లీలో బీజేపీలో చేరారు. పార్లమెంట్ఎన్నికల్లో పోటీ చేసే అభ్యర్థుల ఫస్ట్ లిస్ట్ను బీజేపీ శనివారం రిలీజ్చేసింది.
ఇందులో జహీరాబాద్ క్యాండిడేట్గా బీబీపాటిల్ పేరును ఖరారు చేశారు. ఈయన వరుసగా రెండుసార్లు బీఆర్ఎస్నుంచి పోటీ చేసి గెలుపొందారు. జహీరాబాద్ బీజేపీ టికెట్కోసం పలువురు నేతలు పోటీ పడ్డారు. పార్లమెంట్పరిధిలో బీబీ పాటిల్సామాజిక వర్గం ఓట్లు ఎక్కువగా ఉండడం, సిట్టింగ్ ఎంపీ అయినందున అధిష్టానం ఆయనకే టికెట్ఖరారు చేశారు.
