- తన ఫొటోలను తోటి స్టూడెంట్లు సోషల్ మీడియాలో పెట్టారని బలవన్మరణం
- వరంగల్ లో ఘటన
వరంగల్, వెలుగు: తన క్లాస్మేట్తో కలిసి ఉన్న ఫొటోలను తోటి స్టూడెంట్లు సోషల్ మీడియాలో పోస్ట్ చేయడంతో కలత చెందిన ఓ ఇంజనీరింగ్ విద్యార్థిని సూసైడ్ చేసుకుంది. ఆదివారం రాత్రి గ్రేటర్‍ వరంగల్లో ఈ సంఘటన జరిగింది. జయశంకర్ భూపాలపల్లికి చెందిన శంకరాచారి, రమ దంపతుల కూతురు రక్షిత(21) వరంగల్ జిల్లా నర్సంపేటలోని ఓ ప్రైవేట్ ఇంజనీరింగ్ కాలేజీలో ఈసీ థర్డ్ ఇయర్ చదువుతున్నది.
ఇంజనీరింగ్ విద్యార్థిని సూసైడ్
రక్షిత మరో స్టూడెంట్తో కలిసి దిగిన ఫొటోలను కొందరు స్టూడెంట్లు సోషల్ మీడియాలో పోస్ట్ చేయడంతో మనస్తాపానికి గురైంది. ఈ క్రమంలో వరంగల్ సిటీలోని తన బంధువుల ఇంటికొచ్చింది. ఆదివారం సాయంత్రం అక్కడే ఫ్యాన్కు ఉరేసుకొని ఆత్మహత్య చేసుకుంది. రక్షిత డెడ్బాడీని పోస్ట్మార్టం కోసం ఎంజీఎం మార్చురీకి తరలించారు. పోలీసులు కేసు దర్యాప్తు చేస్తున్నారు.
