పూణెలో శ్రీలంకతో జరుగుతున్న మూడో టీ20లో భారత్ అదరగొట్గింది. శ్రీలంకకు 202 పరుగుల భారీ టార్గెట్ ను ముందుంచింది. టాస్ ఓడి బ్యాటింగ్ కు దిగిన ఇండియా 20 ఓవర్లలో ఆరు వికెట్లు కోల్పోయి 201 పరుగులు చేసింది. ఓపెనర్లు రాహుల్ ( 36 బంతుల్లో 54) ధావన్( 36 బంతుల్లో 52) రెచ్చిపోయారు. వీరికి తోడు వీరాట్ కోహ్లీ 26, మనీష్ పాండే 31 పరుగులు (నాటౌట్), చివర్లో వచ్చిన శార్దూల్ ఠాకూర్ 8 బంతుల్లో 22 పరుగుల(నాటౌట్) తో చెలరేగడంతో 201 పరుగులు చేయగల్గింది. శ్రీలంక బౌలర్లలో సందకన్ కు 3 వికెట్లు, లహీర్ కుమార, హసంగర్ కు చెరో వికెట్ పడ్డాయి.తొలి టీ20 వర్షంతో ఆగిపోగా రెండో టీ20లో భారత్ గెలిచింది. ఈ టీ20లో భారత్ గెలిస్తే సిరీస్ కైవసం అవుతుంది.
