న్యూఢిల్లీ/న్యూయార్క్: సైబర్ నేరాలు, ఆన్లైన్ స్కాంలను వెలికితీసినందుకు గానూ భారతీయ జర్నలిస్టులు ఆనంద్ఆర్కే, సుపర్ణా శర్మ ప్రతిష్టాత్మక పులిట్జర్అవార్డుకు ఎంపికయ్యారు. న్యూయార్క్ కొలంబియా వర్సిటీలో పులిట్జర్ ప్రైజ్ బోర్డు సోమవారం అధికారికంగా విజేతలను ప్రకటించింది.
జర్నలిజం, సాహిత్యం, సంగీతం వంటి విభాగాల్లో ప్రతిభ కనబరిచిన వారికి ఈ అవార్డు అందిస్తున్నారు. భారత్ లోని కాల్ సెంటర్ల ద్వారా జరుగుతున్న అంతర్జాతీయ సైబర్ నేరాలు, అమాయకులను మోసం చేస్తున్న తీరుపై ఆనంద్, సుపర్ణ లోతైన పరిశోధన చేశారు. ఈ నేరాల నెట్వర్క్ ను ఛేదించడంలో వీరి కథనాలు కీలక పాత్ర పోషించాయని బోర్డు ప్రశంసించింది.
