Vaibhav Sooryavanshi: న్యూజిలాండ్‌తో క్రైస్ట్‌చర్చ్ వేదికగా (2026, అక్టోబర్ 24, శనివారం) జరగనున్న రెండో టీ20 మ్యాచ్ కోసం భారత క్రికెట్ జట్టు సిద్ధమవుతోంది. తొలి మ్యాచ్‌లో ఇషాన్ కిషన్ గాయపడటంతో, గత కొన్ని సిరీస్‌లుగా బెంచ్‌కే పరిమితమైన 15 ఏళ్ల యువ క్రికెటర్ వైభవ్ సూర్యవంశీ (Vaibhav Sooryavanshi) తుది జట్టులోకి అరంగేట్రం చేసే అవకాశాలు స్పష్టంగా కనిపిస్తున్నాయి. కుడి తొడ కండరాల గాయం (Adductor Strain) కారణంగా ఇషాన్ ఈ మ్యాచ్‌కు దూరమైనట్లు ఇండియన్ బ్యాటింగ్ కోచ్ సితాంశు కోటక్, బీసీసీఐ అధికారికంగా ధ్రువీకరించడంతో వైభవ్ ఎంట్రీపై సర్వత్రా ఉత్కంఠ నెలకొంది.
ఇషాన్ కిషన్ గాయం.. తెరపైకి వైభవ్:
కోచ్ సితాంశు కోటక్ మీడియాతో మాట్లాడుతూ.. ఇషాన్ కిషన్‌కు గ్రోయిన్ స్ట్రెయిన్ ఉంది. అతను రేపటి మ్యాచ్‌కు అందుబాటులో ఉండే అవకాశం లేదు. మెడికల్ టీమ్ సూచన మేరకు వైభవ్ సూర్యవంశీ తుది జట్టులోకి అడుగుపెట్టే బలమైన అవకాశాలు ఉన్నాయని స్పష్టం చేశారు. ఇంగ్లాండ్ టూర్, జింబాబ్వే సిరీస్, ఆసియా క్రీడల్లో అదరగొట్టిన వైభవ్, వెస్టిండీస్ సిరీస్‌లో మొత్తం బెంచ్‌పైనే కూర్చోవాల్సి వచ్చింది. ఇప్పుడు కివీస్‌పై బరిలోకి దిగే ఛాన్స్ రావడం విశేషం.
బ్యాటింగ్ ఆర్డర్‌లో కీలక మార్పులు:
వైభవ్ సూర్యవంశీని తుది జట్టులోకి తీసుకుంటే భారత్ బ్యాటింగ్ ఆర్డర్‌లో కొన్ని సర్దుబాట్లు చేయాల్సి వస్తుంది. తొలి మ్యాచ్‌లో ప్లేయర్ ఆఫ్ ది మ్యాచ్‌గా నిలిచిన సంజు శాంసన్ తన స్థానాన్ని మార్చుకుని మూడో స్థానంలో (No.3) బ్యాటింగ్‌కు రావచ్చని తెలుస్తోంది. వైభవ్ సూర్యవంశీ, అభిషేక్ శర్మతో కలిసి ఇన్నింగ్స్‌ను ప్రారంభించే (Openers) అవకాశాలు ఎక్కువగా కనిపిస్తున్నాయి.
INDIAN BATTING COACH ON REVSPORTZ: "Ishan Kishan has a groin niggle, that's why Tilak Varma was promoted. Ishan is also unlikely to play in the 2nd T20I. If Ishan doesn't play, Vaibhav Sooryavanshi has a strong chance to play". https://t.co/mJy10VEW4A
— Johns. (@CricCrazyJohns) October 23, 2026
𝗨𝗽𝗱𝗮𝘁𝗲: Ishan Kishan is ruled out of the second T20I against New Zealand due to a low grade right adductor strain, which he sustained during the first T20I of the series. The BCCI Medical Team is monitoring his progress. #TeamIndia | #NZvIND https://t.co/QbZpuVh1hQ
— BCCI (@BCCI) October 23, 2026
