Abhishek Sharma: న్యూజిలాండ్‌తో క్రైస్ట్‌చర్చ్ వేదికగా జరిగిన తొలి టీ20 మ్యాచ్‌కు ముందు భారత డ్రెస్సింగ్ రూమ్‌లో సరదా సంఘటన చోటు చేసుకుంది. మ్యాచ్ ప్రారంభానికి ముందు జరిగే టీమ్ మీటింగ్ లో అభిషేక్ శర్మ (Abhishek Sharma) అందరినీ నవ్వించేశాడు. తమ ఆటగాళ్లను మోటివేట్ చేస్తూ అభిషేక్ పాడిన పంజాబీ జానపద గీతం (Punjabi Boli) సోషల్ మీడియాలో వైరల్‌గా మారడంతో పాటు మైదానంలో సీరియస్‌గా కనిపించే హెడ్ కోచ్ గౌతమ్ గంభీర్ (Gautam Gambhir) ముఖంలో నవ్వులు పూయించింది.
విండీస్ సిరీస్ తప్పులను గుర్తుచేస్తూ పంజాబీ బోలీ:
టీమ్ టాక్ సమయంలో అభిషేక్ శర్మ ఇటీవల వెస్టిండీస్‌తో జరిగిన టీ20 సిరీస్‌ను ప్రస్తావించాడు. ఆ సిరీస్‌లో 2–2తో డ్రాగా ముగించడంలో చేసిన తప్పులను మళ్లీ పునరావృతం చేయకుండా, పటిష్టమైన మానసిక దృక్పథంతో కివీస్ సిరీస్‌ను ప్రారంభించాలని తోటి ప్లేయర్స్ కు పిలుపునిచ్చాడు. ఈ క్రమంలో పంజాబీ సంస్కృతిలో ప్రాచుర్యం పొందిన.. "బారీ బర్సీ ఖాతన్ గయా సీ, ఖట్కే ల్యాండా హాండ్" (Bari Barsi Khatan Gaya Si, Khatke Leanda Hand) అనే పంజాబీ 'బోలీ'ని ఉత్సాహంగా పాడుతూ పదే పదే పునరావృతం చేశాడు. న్యూజిలాండ్ గడ్డపై టీమిండియా ప్రపంచ ఛాంపియన్‌గా తన సత్తా చాటాలని ఆశాభావం వ్యక్తం చేసేశాడు.
గంభీర్ స్మైల్.. ప్లేయర్స్ అల్లరి:
ఎప్పుడూ గంభీరంగా, సీరియస్ లుక్‌తో కనిపించే భారత్ హెడ్ కోచ్ గౌతమ్ గంభీర్, అభిషేక్ శర్మ చెప్పిన సరదా పంజాబీ రైమ్‌ విని గట్టిగా నవ్వేశారు. డ్రెస్సింగ్ రూమ్‌లోని సహచర ఆటగాళ్లంతా పెద్ద ఎత్తున నవ్వుతూ, చప్పట్లతో అభిషేక్ శర్మను ఉత్సాహపరిచారు.
ALSO READ : కోహ్లీ మాట నమ్మా, కానీ మోసం చేశాడు..
మైదానంలోనూ మోటివేషన్ వర్కవుట్:
అభిషేక్ శర్మ మాటలు మైదానంలోనూ పూర్తిస్థాయిలో వర్కవుట్ అయ్యాయి. తొలి టీ20లో న్యూజిలాండ్ విధించిన 226 రన్స్ లక్ష్యాన్ని టీమిండియా 4 వికెట్ల తేడాతో అత్యంత ఉత్కంఠభరితంగా ఛేదించింది. సంజు శాంసన్ (67) హాఫ్ సెంచరీ సాధించగా, శ్రేయస్ అయ్యర్, నమన్ ధీర్, అభిషేక్ శర్మలు మెరుపు కేమియోలతో భారత్‌కు 1–0 ఆధిక్యాన్ని అందించారు. టీ20 ఫార్మాట్‌లో భారత్‌కు ఇదే ఆల్-టైమ్ హైయెస్ట్ సక్సెస్ ఫుల్ రన్ ఛేజ్ కావడం విశేషం.
🗣️ 𝙇𝙚𝙩'𝙨 𝙨𝙝𝙤𝙬 𝙩𝙝𝙚𝙢 𝙬𝙝𝙮 𝙬𝙚 𝙖𝙧𝙚 𝙒𝙤𝙧𝙡𝙙 𝘾𝙝𝙖𝙢𝙥𝙞𝙤𝙣𝙨 Abhishek Sharma's fiery huddle speech set the tone 🔥 #TeamIndia backed it up with a clinical victory 💪 #NZvIND | @OfficialAbhi04 https://t.co/DAu4PDiUdw
— BCCI (@BCCI) October 23, 2026
