మాజీ మంత్రి మల్లారెడ్డి ఇంట్లో సోదాలు నిర్వహించారు ఐటీ అధికారులు. ఇంజనీరింగ్, మెడికల్ సీట్ల విషయంలో స్టూడెంట్స్ నుంచి భారీగా ఫీజులు వసూలు చేశారన్న ఆరోపణలున్న క్రమంలో.. గురువారం ( జులై 24 ) మల్లారెడ్డి ఇంట్లో సోదాలు చేపట్టారు అధికారులు. స్టూడెంట్స్ నుంచి వసూలు చేసిన సొమ్మును ఆదాయ పన్నులో చేర్చడంలో హెచ్చుతగ్గులు గుర్తించినట్లు తెలిపారు ఐటీ అధికారులు.
మల్లారెడ్డి ఇంటితో పాటు ప్రీతిరెడ్డి, భద్ర రెడ్డి ఇంట్లో కూడా సోదాలు కొనసాగుతున్నట్లు తెలుస్తోంది. సోదాలకు సంబంధించి మరిన్ని వివరాలు తెలియాల్సి ఉంది.మాజీ మంత్రి మల్లారెడ్డి ఇంటిపై ఐటీ సోదాలు కొత్త కాదు గతంలో కూడా మెడికల్ కాలేజీ సీట్ల అంశంలో ఐటీ, ఈడీ సోదాలు జరిగాయి. మల్లారెడ్డి ఇల్లు, యూనివర్సిటీ, మల్లారెడ్డి కాలేజీల్లో పలుమార్లు ఐటీ సోదాలు నిర్వహించారు అధికారులు.
►ALSO READ | బీసీ రిజర్వేషన్లపై కేంద్రం ఒప్పుకోకపోతే దేశ వ్యాప్త ఆందోళన
