హైదరాబాద్: పంచాయతీ ఎన్నికల వేళ సీఎం రేవంత్ రెడ్డి జిల్లాల పర్యటనకు సిద్ధమవ్వడంపై జాగృతి అధ్యక్షురాలు కవిత అభ్యంతరం తెలిపారు. ‘ప్రభుత్వ సొమ్ముతో ప్రచారమా? ఎన్నికలు గ్రామాల్లో ఉంటే ముఖ్యమంత్రి జిల్లా కేంద్రాలకు వెళ్లి అభివృద్ధి కార్యక్రమాలకు శంకుస్థాపన చేస్తారట. అక్కడికి ప్రజలందరినీ ప్రభుత్వం సొమ్ముతో తరలించి తమ సందేశం ఇస్తారట! ఇది ముమ్మాటికీ ఎన్నికల నిబంధనలను ఉల్లంఘించడమే. ఈ విషయంలో ఈసీ జోక్యం చేసుకుని సీఎం పర్యటనను నిలిపివేయాలి’ అని ట్వీట్ చేశారు. ఈ విషయంపై కాసేపట్లో ఆమె ఈసీకి ఫిర్యాదు చేయనున్నారు.
డిసెంబర్ 1 నుంచి 6 వరకు పర్యటనలు
డిసెంబర్ 1న ఉమ్మడి మహబూబ్నగర్ జిల్లా మక్తల్ మున్సిపాలిటీ పరిధి నుంచి సీఎం పర్యటన ప్రారంభం కానుంది. అక్కడ ‘యంగ్ ఇండియా ఇంటిగ్రేటెడ్ రెసిడెన్షియల్ స్కూల్’కు భూమి పూజ చేయనున్నారు. 2న కొత్తగూడెంలో పర్యటించి, అక్కడ ‘డాక్టర్ మన్మోహన్ సింగ్ ఎర్త్ సైన్సెస్ యూనివర్సిటీ’ని ప్రారంభించ నున్నారు. విద్యా రంగానికి పెద్దపీట వేస్తున్నామనే సంకేతాలిస్తూనే, గిరిజన జిల్లాలోని పట్టణ వాసుల సమస్యలపై సమీక్షించనున్నారు. 3న సిద్దిపేట జిల్లా హుస్నాబాద్లో సీఎం పర్యటన ఉంటుంది. కొత్త ఇంజనీరింగ్ కళాశాల భవనాలకు, హెచ్ఏఎం పద్ధ తిలో నిర్మించనున్న రోడ్లకు శంకుస్థాపనలు, పలు ప్రారంభోత్సవాలు చేస్తారు.
4న ఆదిలాబాద్లో, 5న వరంగల్ జిల్లా నర్సంపేట టౌన్‌‌‌‌‌‌‌‌లో సీఎం పర్యటన ఉంటుంది. ఓరుగల్లు అభివృద్ధికి సంబంధించిన పెండింగ్ ప్రాజెక్టులు, పట్టణంలో డ్రైనేజీ వ్యవస్థ, టెక్స్‌‌‌‌‌‌‌‌టైల్ పార్క్ అనుబంధ అంశాలపై స్పష్టత ఇవ్వనున్నారు. చివరిగా డిసెంబర్ 6న నల్గొండ జిల్లా దేవరకొండ మున్సిపాలిటీలో సీఎం పర్యటిస్తారు. ఫ్లోరై డ్ రహిత నల్గొండలో పట్టణ తాగునీటి సరఫరా, ఎస్ఎల్బీసీ టన్నెల్ పనుల పురోగతిని ప్రస్తావిస్తూ అక్కడి అర్బన్ మీటింగ్‌‌‌‌‌‌‌‌లో ప్రసంగించనున్నారు
ప్రభుత్వం సొమ్ముతో ప్రచారమా ??
— Kavitha Kalvakuntla (@RaoKavitha) November 30, 2025
ఎన్నికలు గ్రామాల్లో ఉంటే .. జిల్లా కేంద్రాలకు వెళ్లి ముఖ్యమంత్రి గారు అభివృద్ధి కార్యక్రమాలకు శంకుస్థాపన చేస్తారట!!
అక్కడికి జిల్లా ప్రజలందరినీ ప్రభుత్వం సొమ్ముతో తరలించి తమ సందేశం ఇస్తారట!!!
ఇది ముమ్మాటికి ఎన్నికల నిబంధనను ఉల్లంఘించటమే!!
ఎన్నికల…
