70 ఏళ్ల తర్వాత అభివృద్ధిలోకి యూపీ

V6 Velugu Posted on Nov 25, 2021

నోయిడా ఇంటర్నేషనల్ ఎయిర్ పోర్ట్ నిర్మాణానికి శంకుస్తాపన చేశారు ప్రధానమంత్రి నరేంద్ర మోడీ. ఆసియాలోనే అతిపెద్ద ఎయిర్ పోర్ట్ గా దీనిని నిర్మించనున్నారు. ఈ ఏయిర్ పోర్ట్ నార్త్ ఇండియాకు లాజిస్టిక్ గేట్ వేలా సేవలందిస్తుందని మోడీ చెప్పారు. ఈ ప్రాంతంలోని రైతులకు కూడా ఎక్స్ పోర్ట్ హబ్ గా ఉపయోగపడుతుందని చెప్పారు. స్వాతంత్ర్యం వచ్చిన 70 ఏళ్ల తర్వాత ఇప్పుడు ఉత్తరప్రదేశ్ కు అందాల్సినవన్నీ సరిగా అందుతున్నాయని చెప్పారు. 20 ఏళ్ల క్రితం అప్పటి బీజేపీ ప్రభుత్వం ఈ ఎయిర్ పోర్ట్ కు ప్లాన్ చేయగా... కేంద్రం-యూపీ ప్రభుత్వాల మధ్య పోరుతో ఆగిపోయిందన్నారు. 

నోయిడాకు దగ్గర్లోని జేవార్ లో 1,330 ఎకరాల విస్తీర్ణంలో నిర్మిస్తున్న ఈ విమానాశ్రయానికి.. మొదటి దశలో 10 వేల 500 కోట్ల రూపాయలు ఖర్చు చేయనున్నారు. నోయిడా నుంచి  40 కిలోమీటర్ల దూరంలో.. ఢిల్లీ ఎయిర్ పోర్టు నుంచి 72 కిలోమీటర్ల దూరంలో ఈ అంతర్జాతీయ విమానాశ్రయాన్ని ప్రభుత్వం నిర్మిస్తోంది. 2024 నాటికి ఈ ప్రాజెక్టునుపూర్తి చేయాలని లక్ష్యంగా పెట్టుకున్నారు. 20 లక్షల మెట్రిక్ టన్నుల వరకు రవాణా సామర్థ్యంతో కార్గో టెర్మినల్ ఏర్పాటు చేయనున్నారు.. భవిష్యత్ లో 80 లక్షల మెట్రిక్ టన్నుల సామర్థ్యం వరకు విస్తరించే అవకాశం ఉంది. 

Tagged pm modi, development, UP, , Jewar airport

Latest Videos

Subscribe Now

More News