వాషింగ్టన్: గ్రీన్లాండ్ను విలీనం చేసుకోవాలని ప్రతిపాదిస్తూ అమెరికా ప్రతినిధుల సభలో రిపబ్లికన్ సభ్యుడు ర్యాండీ ఫైన్ బిల్లును ప్రవేశపెట్టారు. ‘గ్రీన్లాండ్ విలీనం, రాష్ట్ర హోదా చట్టం’ పేరుతో రూపొందించిన ఈ బిల్లును సభ ముందుకు తెచ్చారు. విలీనం చేసుకున్న తర్వాత ప్రెసిడెంట్ ట్రంప్ అమెరికన్ కాంగ్రెస్కు నివేదిక సమర్పించాలని, ఆ తర్వాత గ్రీన్లాండ్ను అమెరికాలో 51వ రాష్ట్రంగా మారుస్తూ ఫెడరల్ చట్టాలకు సవరణలు చేస్తామని బిల్లులో పేర్కొన్నారు.
‘‘అర్కిటిక్లో ఉన్న గ్రీన్ లాండ్ ఏరియా షిప్పింగ్, ట్రేడ్, మిలిటరీ కదలికలను నియంత్రించే కీలక స్థానంగా ఉంది. అమెరికా జాతీయ భద్రతకు అత్యంత కీలకమైన గ్రీన్లాండ్లో అమెరికా శత్రు దేశాల పాలన రాకూడదు. అందుకే డెన్మార్క్తో చర్చించిగానీ లేదంటే గ్రీన్లాండ్ వాసులకు డబ్బులు పంచి కొనుగోలు చేసేందుకు గానీ చర్యలు తీసుకోవాలి” అని ప్రతిపాదించారు.
