తక్కువ ధరలో సబ్ స్క్రిప్షన్స్
జియో ఓటీటీలోకి గ్రాండ్ ఎంట్రీ ఇచ్చేందుకు ఏర్పాట్లు చేస్తోందని టాక్. 4 జీ ద్వారా జియో టెలికాం రంగంలో ఎంతటి సంచలనాలు నమోదు చేసిందో ప్రత్యేకంగా చెప్పనవసవరం లేదు. దీంతో ఓటీటీలో కూడా భారీ ఆఫర్లతో ఆడియన్స్ ను ఆకట్టుకొనేందుకు సిద్ధమవుతోందని సమాచారం. ఇప్పటికే కొన్ని భారీ సినిమాలను, వెబ్ సీరిస్ లను కూడా రెడీ చేసుకున్నదని తెలుస్తోంది. దీంతో జియో ఓటీటీ ఎంట్రీపై భారీగా హైప్ క్రియేట్ అయ్యింది. ప్రస్తుతం మార్కెట్ లో ఉన్న అమెజాన్, నెట్ ఫ్లిక్స్, సోనిలివ్, హాట్ స్టార్, జీ5 తెలుగులో ఆహా ఇంకా అనేక ఓటీటీ సంస్థలు ప్రతీ వారం వినూత్న కంటెంట్లతో ఆడియన్స్ ను అలరిస్తున్న విషయం తెలిసిందే. వాటికి దీటుగా జియో కూడా కంటెంట్ ను సిద్ధం చేసుకుంటోందట. ఇప్పటికే జియో సినిమా పేరుతో ఓ యాప్ ఉంది. అందులో సన్ నెక్స్ట్ కంటెంట్ కూడా షేర్ చేసేవాళ్ళు. ఇటీవలే దాన్ని విత్ డ్రా చేసుకున్నారు. ఫుట్ బాల్ వరల్డ్ కప్ జియోలోనే వచ్చింది. ఈ మధ్యే ముఖేష్ వయాకామ్ 18 స్టూడియోస్ ని కొన్నారు. వాళ్లదే వూట్ సెలెక్ట్ ప్లాట్ ఫార్మ్ ఉంది. అయితే వూట్ ఓటీటీ పెద్దగా క్లిక్ కాలేదు. దీంతో జియో సరికొత్తగా మరో ఓటీటీని తీసుకురాబోతున్నట్టు ముంబైలో టాక్ వినిపిస్తోంది.
