ఢిల్లీ ఎర్రకోట పేలుడుకు కారణమైన డాక్టర్ ఉమర్ నబీ ఇంటిని భద్రతాదళాలు పేల్చివేశాయి. జమ్మూకాశ్మీర్ లోనిద క్షిణ పుల్వామాలో ఉన్న ఉమర్నబీ ఇంటిని శుక్రవారం తెల్లవారు జామున ఆర్మీ నేలమట్టం చేసింది.
హర్యానాలోని ఫరీదాబాద్ లో అల్ ఫలాహ్ మెడికల్ కాలేజీ లో పనిచేస్తున్న ఉమర్ నబీ ఢిల్లీలోని ఎర్రకోట దగ్గర కారు బ్లాస్ట్తో ఆత్మాహుతి దాడికి పాల్పడ్డాడు. నేతాజీ సుభాష్ మార్గ్ సిగ్నల్ దగ్గర హ్యుండాయ్ ఐ 20 కారుతో జరిపిన పేలులో 13 మంది చనిపోయారు. మరో 20 మంది తీవ్రంగా గాయపడ్డారు.
గురువారం అర్ధరాత్రి నుంచి శుక్రవారం వేకువ జామున ఉమర్ ఇంటిని పూర్తిగా నేలమట్టం చేశారు. ఐఈడీ సాయంతో ఉమర్ ఇంటిని పేల్చివేశారు. ఉగ్రవాదానికి మద్దతునిచ్చే వారికి ఇదో హెచ్చరికగా అధికారులు చెబుతున్నారు. ఇంతకు ముందు కూడా పహల్గాం ఉగ్రదాడి కుట్రలో పాల్గొన్న వారి ఇండ్లను కూడా బుల్డోజర్లతో కూల్చేశారు.
