- పెరుగుతున్న జాబ్ పోస్టింగ్ సైట్లు
- లోకల్ భాషల వార్తలకూ డిమాండ్
న్యూఢిల్లీ: జాబ్ వేకేన్సీల సమాచారం తెలుసుకోవాలంటే ఇది వరకు అయితే ఇంగ్లీష్ సైట్లే దిక్కు! ఇప్పుడు పరిస్థితులు మారుతున్నాయి. ప్రతి పది మందిలో తొమ్మిది మంది సొంత భాషలో నెట్ వాడేందుకు ఇష్టపడుతున్నారు. అందుకే తెలుగు సహా ఇతర లోకల్ భాషల్లోనూ చాలా జాబ్ సెర్చింగ్ వెబ్ సైట్లు, యాప్స్వస్తున్నాయి. సోషల్ మీడియాతోపాటు ఇతర కంపెనీలు లోకల్ భాషలకు ఎక్కువ ఇంపార్టెన్స్ ఇస్తున్నాయి. ఇంగ్లీష్ స్థాయిలోనే తెలుగు, తమిళం, మలయాళం, కన్నడం వంటి భాషల్లోనూ వార్తలు చదివే వారి సంఖ్య ఉంది. అందుకే లోకల్ న్యూస్ ప్లాట్ఫారాల సంఖ్య పెరుగుతోంది. ఉదాహరణకు బెంగళూరుకు చెందిన హైపర్లోకల్ ప్లాట్ఫారమ్ ‘లోకల్’ ఆరు భారతీయ భాషల్లో జాబ్ పోస్టింగ్స్పెడుతోంది. ఇవన్నీ చిన్న బిజినెస్ సంస్థలకు చెందినవి. తమ పోస్టింగ్స్కు స్పందన చాలా బాగుందని లోకల్ యాప్ ఫౌండర్ పాషా చెప్పారు. ఇంగ్లీష్ సైట్ల కంటే తమకు 10 రెట్లు ఎక్కువ రెస్పాన్స్ ఉందని వివరించారు. ఒక్క పోస్టింగ్ పెడితే గంటకు 120 కాల్స్వస్తున్నాయని పాషా పేర్కొన్నారు. ఇట్లాంటి ప్లాట్ఫారాలకు నిధులు కూడా బాగా వస్తున్నాయి. 2020 అక్టోబరు వరకు లాంగ్వేజ్ స్టార్టప్ ఎకోసిస్టమ్ రూ.1,600 కోట్లు రాబట్టిందని వెంచర్ ఇంటెలిజెన్స్ఎగ్జిక్యూటివ్ ఒకరు వెల్లడించారు. రీజనల్ ఫస్ట్ యాప్స్ చాలా మందికి (లార్జ్ అడ్రసబుల్ మార్కెట్) చేరువ అవుతున్నాయని మరో మార్కెట్ రీసెర్చ్ ఫర్మ్ రెడ్సీర్ రిపోర్టు వెల్లడించింది. ‘లోకల్’ యాప్ తమిళం, కన్నడ, తెలుగు, మలయాళం, గుజరాతి భాషల్లో న్యూస్, జాబ్స్, క్లాసిఫైడ్స్ అందిస్తోంది.
పెద్ద కంపెనీలు కూడా..
రీజనల్ ఫస్ట్ యాప్స్కు డిమాండ్ పెరుగుతూనే ఉందని గమనించిన బడా కంపెనీలు కూడా ఈ బిజినెస్లో రావడానికి ఉత్సాహం చూపిస్తున్నాయి. మైక్రోసాఫ్ట్కు చెందిన లింక్డ్ ఇన్ గత ఏడాది హిందీ వెర్షన్ను తేవడమే ఇందుకు నిదర్శనం. జియో ప్లాట్ఫారమ్స్కు చెందిన ‘న్యూస్జే’ కూడా లోకల్ భాషల్లో న్యూస్ అందించడం మొదలుపెట్టింది. జీ, టైమ్స్ ఆఫ్ ఇండియా, హిందుస్థాన్ టైమ్స్, బీబీసీ సైతం తెలుగు వెబ్సైట్లను, యాప్స్ను లాంచ్ చేశాయి. ‘‘ప్రపంచవ్యాప్తంగా 60 కోట్ల మందికిపైగా హిందీ మాట్లాడేవారు ఉన్నారు. లింక్డ్ ఇన్ను హిందీలో తేవడం వల్ల మేం మరింత మందికి దగ్గరవుతాం. ఎంతో మంది ప్రొఫెషనల్స్కు జాబ్ పోస్టింగ్స్ను అందుబాటులోకి తెస్తాం”అని లింక్డ్ఇన్ కంట్రీ మేనేజర్ అశుతోష్ గుప్తా చెప్పారు. నెట్ యూజర్లలో 57 శాతం మందికిపైగా తమ మాతృభాషలో జాబ్ పోస్టింగ్స్ వెతకడానికి, నెట్వర్క్లను ఏర్పాటు చేసుకోవడానికి ఇష్టపడుతున్నారని అప్నా డాట్తెలిపింది. అంతేగాక 2020 మే నాటికి గ్రామీణ భారతదేశంలో నెట్ వాడే వారి సంఖ్య 26 కోట్లకు చేరింది. అందుకే అమెజాన్, స్నాప్డీల్, ఫ్లిప్కార్ట్ వంటి ఆన్లైన్ షాపింగ్ కంపెనీలు కూడా లోకల్ భాషల బాట పట్టాయి. గూగుల్ కూడా హిందీ, బెంగాలీ, మరాఠీ, తమిళం, తెలుగు భాషల్లో సెర్చ్ చేసే సదుపాయాన్ని అందుబాటులోకి తెచ్చింది. హిందీలో సెర్చింగ్ పది రెట్లు పెరిగిందని గూగుల్ ప్రకటించింది. చిన్న, మధ్యస్థాయి సంస్థలు లోకల్ భాషల్లో యాడ్స్ ఇవ్వడానికి ఇష్టపడుతున్నాయి.
