- పట్టుకుని ప్రశ్నించిన కాంగ్రెస్ లీడర్లు
- పొంతన లేని సమాధానాలతో తికమక
- భూపత్రాలు తారుమారు చేసేందుకేనని ఆరోపణలు
- పోలీసుల అదుపులో నిందితులు
అచ్చంపేట, వెలుగు: భూముల వివరాలు తారుమారు చేసేందుకు అచ్చంపేట తహసీల్దార్ ఆఫీసు జూనియర్ అసిస్టెంట్తో కలిసి తాజా మాజీ సర్పంచ్ బోడ్కానాయక్ప్రయత్నిస్తున్నాడనే సమాచారంతో కాంగ్రెస్ నేతలు వారిని పట్టుకొని పోలీసులకు అప్పగించారు. స్థానికులు, కాంగ్రెస్లీడర్ల కథనం ప్రకారం..నాగర్కర్నూల్ జిల్లా అచ్చంపేట తహసీల్దార్ ఆఫీసులో గురువారం అర్ధరాత్రి బొమ్మనపల్లి మాజీ సర్పంచ్బోడ్కానాయక్ తో కలిసి ఆఫీస్జూనియర్ అసిస్టెంట్ హన్మంతునాయక్ కంప్యూటర్ వర్క్ చేస్తున్నారు.
వీరిద్దరూ కలిసి బొమ్మనపల్లికి చెందిన రెవెన్యూ రికార్డులు దొంగిలించడంతో పాటు, అందులోని వివరాలు తారుమారు చేసేందుకు ప్రయత్నిస్తున్నారనే సమాచారంతో కాంగ్రెస్ నేతలు అక్కడికి చేరుకున్నారు. లోపల జరుగుతున్న తంతంగాన్నంతా సెల్ఫోన్లలో రికార్డు చేశారు. తర్వాత ఏం చేస్తున్నారని వారిని నిలదీశారు. విషయాన్ని పోలీసులకు చేరవేయడంతో సీఐ రవీందర్ అక్కడికి చేరుకొని ఇద్దరినీ ప్రశ్నించారు. భూమి వివరాలు విరాసత్ చేయించేందుకు ఆన్లైన్ చేయిస్తున్నానని బోడ్కానాయక్చెప్పగా, జూనియర్ అసిస్టెంట్ హన్మంత్నాయక్ మాత్రం కల్యాణలక్ష్మి, ఓటర్ వివరాలు నమోదు చేయిస్తున్నానని చెప్పాడు. అయితే, తహసీల్దార్ పాండు మాత్రం తాను సదరు ఉద్యోగికి ఎలాంటి పనులు అప్పగించలేదని స్పష్టం చేశారు. దీంతో మాజీ సర్పంచ్, జూనియర్ అసిస్టెంట్నుపోలీసులు అదుపులోకి తీసుకున్నారు.
ఈ విషయమై కాంగ్రెస్ నేతలు తహసీల్దార్పాండును కలిసి ఫిర్యాదు చేశారు. బోడ్కనాయక్ ఇది వరకే గ్రామంలోని కొందరి భూములను వారికి తెలియకుండానే రెవెన్యూ అధికారుల సహకారంతో మరొకరి పేరుపై మార్చాడని గ్రామస్తులు ఆరోపించారు. తహసీల్దార్ఆఫీసులో భూములకు సంబంధించిన పాస్బుక్లతో పాటు, ఇతర రికార్డులు ఉండడంతో వాటి వివరాలు మార్చేందుకే అక్కడ ఉన్నాడని చెబుతున్నారు. దీనికి పై అధికారుల సహకారం కూడా ఉందన్నారు. నిందితులపై చర్యలు తీసుకోవాలని కాంగ్రెస్ నేతలు గౌరీశంకర్, రామనాథం, సంతోష్, అజయ్, బొమ్మన్పల్లి
గ్రామస్తులు కోరారు.
