గద్వాల, వెలుగు: జూరాల ప్రాజెక్టు వద్ద 318.280 మీటర్ల లెవెల్ ను మెయింటెన్ చేస్తూ 7 గేట్లను ఎత్తి శ్రీశైలం ప్రాజెక్టుకు నీటిని విడుదల చేస్తున్నారు. గేట్ల ద్వారా 49,959 క్యూసెక్కులు, విద్యుత్ ఉత్పత్తికి 35,655 క్యూసెక్కులు, నెట్టెంపాడు లిఫ్ట్ కు 750 క్యూసెక్కులు, బీమా లిఫ్ట్-1కి 650 క్యూసెక్కులు, కోయిల్ సాగర్ లిఫ్ట్ కు 315 క్యూసెక్కులు, లెఫ్ట్ కెనాల్ కు 820 క్యూసెక్కులు, రైట్ కెనాల్ కు 720 క్యూసెక్కులు, ఆర్డీఎస్ లింక్ కెనాల్ కు 150 క్యూసెక్కులు, సమాంతర కాల్వకు 200 క్యూసెక్కులతో కలిపి 89,238 క్యూసెక్కుల నీటిని వదులుతున్నారు. జూరాల ప్రాజెక్టుకు 67 వేల క్యూసెక్కులు ఇన్ ఫ్లోగా వస్తోంది.
