- అఖిల భారత షెడ్యూల్డ్ కులాల, తెగల సంఘాల సమాఖ్య
హైదరాబాద్, వెలుగు: కొత్త పార్లమెంట్ బిల్డింగుకు డా.బి.ఆర్.అంబేద్కర్ పార్లమెంటరీ హౌజ్ అని పేరు పెట్టి, విగ్రహం ఏర్పాటు చేయాలని కోరుతూ అఖిల భారత షెడ్యూల్డ్ కులాల, తెగల సంఘాల సమాఖ్య స్టేట్ ప్రెసిడెంట్ కె.మహేశ్వర్రాజ్ పార్లమెంట్ మెంబర్, వీసీకే పార్టీ ఫౌండర్ డా.తొల్కప్పియన్ తిరుమవలవన్కి లెటర్రాశారు. రాబోయే పార్లమెంట్ సమావేశాల్లో నోబుల్ అంశాన్ని లేవనెత్తాలని కోరారు. కొత్త పార్లమెంట్ భవనానికి 2020 డిసెంబర్‌‌‌‌‌‌‌‌లో ప్రధాని నరేంద్రమోదీ శంకుస్థాపన చేయగా, ఈ నెల 11న జాతీయ చిహ్నాన్ని ఆవిష్కరించారు. ఈ ఏడాది అక్టోబర్ లో పార్లమెంట్ ప్రారంభోత్సవం ఉన్న నేపథ్యంలో ఇప్పటికే బిల్డింగ్ పేరు విషయమై ప్రధాని నరేంద్ర మోడీకి అభ్యర్థన పెట్టుకున్నట్లు లెటర్లో పేర్కొన్నారు.
