తల్లి కాబోతున్నానని తెలియగానే తన చేతిలో ఉన్న ప్రాజెక్ట్స్ అన్నింటి నుంచీ తప్పుకుంది కాజల్. దాంతో తనని మళ్లీ స్క్రీన్‌‌పై చూడగలమో లేదోనని కంగారుపడ్డారు ఫ్యాన్స్. అయితే డెలివరీ అయిన కొన్ని నెలల తర్వాత ‘ఇండియన్ 2’ సెట్‌‌లో జాయినవుతున్నానని చెప్పి వారిలో జోష్ నింపిన కాజల్.. ఇప్పుడు మరో సినిమా టీజర్‌‌‌‌తో వచ్చి మెస్మరైజ్ చేసింది. గులేబకావళి, జాక్‌‌పాట్ లాంటి ఫన్ ఎంటర్‌‌‌‌టైనర్స్ తీసిన కళ్యాణ్ దర్శకత్వంలో ‘ఘోస్టీ’ అనే చిత్రం చేసింది కాజల్. ఆమెతో పాటు యోగిబాబు కూడా లీడ్ రోల్ చేశాడు. కేఎస్‌ రవికుమార్, రాధిక, మనోబాల తదితరులు ముఖ్య పాత్రల్లో నటించారు. నిన్న ఈ మూవీ టీజర్‌‌‌‌ను విడుదల చేశారు. పోలీసాఫీసర్‌‌‌‌గా, సినిమా హీరోయిన్‌‌గా రెండు పాత్రల్లో కనిపిస్తోంది కాజల్. సగం కాలివున్న ఓ పాప బొమ్మలో ఉన్న దెయ్యం ఆమెని భయపెడుతూ ఉంటుంది. దానివల్ల ఆమెకి ఎలాంటి సమస్యలు ఎదురయ్యాయి, అసలా దెయ్యం కాజల్ వెంట ఎందుకు పడుతోంది అనేది సినిమా చూసి తెలుసుకోవాల్సిందే. అవడానికి హారర్ సినిమాయే అయినా ఫుల్‌ ఫన్‌‌తో ఎంటర్‌‌‌‌టైనింగ్‌‌గా అనిపిస్తోంది. అతి త్వరలో సినిమాని రిలీజ్ చేసేందుకు ఏర్పాట్లు జరుగుతున్నాయి. దీంతో పాటు కాజల్ నటించిన బాలీవుడ్ మూవీ ‘ఉమ’ కూడా త్వరలో ప్రేక్షకుల ముందుకు రాబోతోంది. ఆ తర్వాత ‘ఇండియన్ 2’ వస్తుంది. ఓ రెండు కొత్త సినిమాలు అంగీకరించిందనే గుసగుసలూ వినిపిస్తున్నాయి. మొత్తానికి కాజల్ కెరీర్ మళ్లీ స్పీడందుకోబోతోందన్నమాట.
