- రూ.5 కోట్ల అభివృద్ధి పనులు ప్రారంభం
పెద్దపల్లి, వెలుగు: కాళేశ్వరం ప్రాజెక్టు నుంచి ఉమ్మడి కరీంనగర్జిల్లాకు ఏనాడు నీరు అందలేదని పెద్దపల్లి ఎమ్మెల్యే, ప్రభుత్వ విప్ విజయ రమణారావు అన్నారు. పెద్దపల్లి జిల్లా కాల్వ శ్రీరాంపూర్ మండలం మల్యాల, తారుపల్లి, మీర్జంపేట, కాల్వ శ్రీరాంపూర్ గ్రామాల్లో రూ.5 కోట్లతో చేపడుతున్న పలు అభివృద్ధి పనులకు మంగళవారం స్థానిక నాయకులతో కలిసి ఆయన శంకుస్థాపన చేశారు.
ఈ సందర్భంగా మాట్లాడుతూ.. గత బీఆర్ఎస్ ప్రభుత్వం కాళేశ్వరం ప్రాజెక్టు నీటిని కేవలం మెదక్, గజ్వేల్ జిల్లాల కోసమే ఉపయోగించుకుందని, ఉమ్మడి కరీంనగర్జిల్లా ప్రజలకు ప్రయోజనం దక్కలేదన్నారు. కార్యక్రమంలో నాయకులు సారయ్య గౌడ్, తిరుపతి రెడ్డి, రామచంద్రం రెడ్డి, జి.సదయ్య, మనోహర్ రావు, ఎండీ మునీర్ తదితరులు పాల్గొన్నారు.
