- వరంగల్ పశ్చిమ అభివృద్ధిపై హైదరాబాద్‍లో మంత్రుల రివ్యూ
వరంగల్, వెలుగు: వరంగల్ పశ్చిమ నియోజకవర్గంలోని కాళోజీ కళాక్షేత్రం, భద్రకాళి మాఢవీధుల పనులను వేగవంతం చేయాలని ఉమ్మడి వరంగల్ ఇన్చార్జి మంత్రి పొంగులేటి శ్రీనివాస్‍రెడ్డి అధికారులను ఆదేశించారు. మంగళవారం నియోజకవర్గ అభివృద్ధిపై జిల్లాకు చెందిన మంత్రులు ధనసరి సీతక్క, కొండా సురేఖ, పశ్చిమ ఎమ్మెల్యే నాయిని రాజేందర్‍రెడ్డితో కలిసి హైదరాబాద్లోని సెక్రటేరియట్‍లో రివ్యూ నిర్వహించారు.
ఈ సందర్భంగా మంత్రులు మాట్లాడుతూ.. కళాక్షేత్రంతో పాటు మాఢవీధుల నిర్మాణాలకు అడిషనల్ నిధులు విడుదల చేయాలని అధికారులను ఆదేశించారు. హైదరాబాద్ తర్వాత అంతే పెద్దదైన గ్రేటర్‍ వరంగల్లో అభివృద్ధి పనులకు ఎటువంటి ఆటంకం రాకుండా చూడాలన్నారు. స్మార్ట్‍ సిటీ ఫండ్స్ను త్వరగా రిలీజ్‍ చేసి పనులను స్పీడప్‍ చేయాలని సూచించారు. సమావేశంలో మున్సిపల్‍ సెక్రటరీ దానం కిశక్షర్‍, ఈఎన్‍సీ అధికారి శ్రీధర్‍, వివిధ శాఖల ఉన్నాతాధికారులు పాల్గొన్నారు.
