బాలీవుడ్ ఫైర్ బ్రాండ్ కంగనా రనౌత్ ఎప్పుడూ ఏదో ఒక వివాదంలో నిలుస్తూ ఉంటారు. తాను అనుకున్నది ఏదైనా ముక్కుసూటిగా మాట్లాడేస్తారు. ఈ ఫైర్ బ్రాండ్ తాజాగా మొక్కలు నాటుతూ సోషల్ మీడియాలో ప్రత్యక్షమైంది. గ్రీన్ ఇండియా ఛాలెంజ్లో భాగంగా ఈ ఉదయం హైదరాబాద్ లో మొక్కలు నాటింది. ప్రస్తుతం కంగనా మొక్కలు నాటిన ఫోటోలు, వీడియోలు సోషల్ మీడియాలో వైరల్ అవుతున్నాయి. ప్రముఖ జ్యోతిష్యుడు బాలు మున్నంగి ఛాలెంజ్ను స్వీకరించి మొక్కలు నాటినట్లు కంగనా చెప్పారు. అందరూ మొక్కలు నాటి.. పచ్చదనాన్ని పెంపొందించాలని ఆమె సూచించారు.
