మధిర, వెలుగు: ఖమ్మం జిల్లాలో పదహారేండ్ల బాలికపై అత్యాచారానికి పాల్పడిన నలుగురు బాలురపై పోలీసులు పోక్సో కేసు నమోదు చేశారు. పోలీసులు తెలిపిన వివరాల ప్రకారం.. చింతకాని మండలంలోని ఓ గ్రామానికి చెందిన బాలిక(16) చదువు మధ్యలోనే ఆపేసి ఇంటి వద్ద ఉంటోంది. ఈ క్రమంలో పక్కింటి బాలుడు ఆమెకు మాయమాటలు చెప్పి అత్యాచారానికి పాల్పడ్డాడు.
విషయం తెలుసుకున్న అదే గ్రామానికి చెందిన మరో ముగ్గురు మైనర్లు బాలికను బ్లాక్ మెయిల్ చేసి లైంగికంగా వేధిస్తున్నారు. ఇటీవల బాలిక శరీరంలో మార్పులు రావడాన్ని తల్లిదండ్రులు గుర్తించారు. డాక్టర్ వద్దకు తీసుకెళ్లగా ఆమె 7 నెలల గర్భిణి అని తేలింది. బాధితురాలి తల్లిదండ్రుల ఫిర్యాదుతో శుక్రవారం చింతకాని పోలీసులు నలుగురు నిందితులపై పోక్సో యాక్ట్ కింద కేసు నమోదు చేశారు.
