మధిర/ఎర్రుపాలెం, వెలుగు : కేసీఆర్ను విమర్శిస్తే తాము కూడా సీఎం స్థాయికి ఎదుగుతామని కొందరు నోటికొచ్చినట్లు మాట్లాడుతున్నారని ఖమ్మం జడ్పీ చైర్మన్లింగాల కమల్రాజ్అన్నారు. అలా అనుకుంటే పొరపాటేనని చెప్పారు. మధిర వ్యవసాయ మార్కెట్లో శుక్రవారం బతుకమ్మ చీరలు పంపిణీ చేశారు. ఈ సందర్భంగా కమల్రాజ్మాట్లాడుతూ.. ఎమ్మెల్యే భట్టి విక్రమార్క సీఎం బ్రేక్ ఫాస్ట్ పథకం ప్రారంభానికి రాలేనంత బిజీగా ఉన్నారని విమర్శించారు. కొందరు పంది బలిస్తే ఏనుగు అవుతుంది అని అపోహలో ఉన్నారని, పంది పందే.. ఏనుగు ఏనుగే అని ఎద్దేవా చేశారు.
సీఎం ఫాంహౌస్లోనే పడుకుంటే రాష్ట్రంలో ఇన్ని సంక్షేమ పథకాలు అమలయ్యేవా అని ప్రశ్నించారు. అంతకు ముందు ఖమ్మంపాడులోని స్కూల్లో సీఎం బ్రేక్ఫాస్ట్కార్యక్రమాన్ని కమల్ రాజ్ప్రారంభించారు. జిల్లా అడిషినల్ కలెక్టర్ మధు సూదన్ నాయక్, మధిర ఎంపీపీ మెండెం లలిత, వైస్ ఎంపీపీ సామినేని సురేశ్, తహసీల్దార్ వెంకటేశ్వర్లు పాల్గొన్నారు. అలాగే ఎర్రుపాలెం మండల కేంద్రంలో ఏర్పాటు చేసిన కల్యాణలక్ష్మి, స్పోర్ట్స్కిట్లు, బతుకమ్మ చీరల పంపిణీ కార్యక్రమంలో కమల్రాజ్పాల్గొన్నారు. వచ్చే ఎన్నికల్లో ప్రతిఒక్కరూ బీఆర్ఎస్కు ఓటేయాలని కోరారు.
