కొండగట్టు, వెలుగు: జగిత్యాల జిల్లా ప్రముఖ పుణ్యక్షేత్రం కొండగట్టు అంజన్న ఆలయంలో గురువారం విజిలెన్స్ సీఐ ప్రశాంత రావు ఆధ్వర్యంలో తనిఖీలు నిర్వహించారు. లడ్డూ ప్రసాదం తయారు చేసే కేంద్రంలో రికార్డులు పరిశీలించి, లడ్డూ నాణ్యత పరిమాణాలను చెక్ చేశారు. 2022 నుంచి 2025 కి సంబంధించిన పలు రికార్డులను వారు పరిశీలించారు.
ఆలయంలో టెండర్ ద్వారా నిర్వహిస్తున్న దుకాణాలకు సంబంధించిన చెల్లింపులు, ధరల వివరాలు, అగ్రిమెంట్లను ఆలయ అధికారులను అడిగి తెలుసుకున్నారు. ఈ తనిఖీల్లో టెంపుల్ సూపరిండెంట్ చంద్రశేఖర్ తదితరులున్నారు.
