- ‘బంధు’ పథకాల ప్రభావం పార్టీపై పడింది
- ఒకరికి సాయమందితే మరొకరు ఈర్ష్యపడేలా సమాజం తయారైంది
- లోక్సభ ఎన్నికల్లో త్రిముఖ పోటీ.. బీఆర్ఎస్కే లాభం
- బీఆర్ఎస్ వర్కింగ్ప్రెసిడెంట్ కేటీఆర్
హైదరాబాద్, వెలుగు: అసెంబ్లీ ఎన్నికల్లో సిట్టింగ్ఎమ్మెల్యేలను మార్చి ఉంటే బాగుండేదని బీఆర్ఎస్ వర్కింగ్ ప్రెసిడెంట్ కేటీఆర్ అన్నారు. పార్టీ ఓటమిపై సమీక్ష చేస్తున్నప్పుడు ఎక్కువ మంది నుంచి వచ్చిన ఫీడ్ బ్యాక్ ఇదేనని చెప్పారు. పార్లమెంట్ఎన్నికల్లో అలాంటి పొరపాట్లు జరగనివ్వబోమన్నారు. ఆదివారం తెలంగాణ భవన్ లో నిర్వహించిన జహీరాబాద్ లోక్సభ ఎన్నికల సన్నాహక సమావేశంలో ఆయన మాట్లాడారు. ‘బంధు’ పథకాల ప్రభావం పార్టీపై పడిందని, ఒకరికి సాయమందితే మరొకరు ఈర్ష్యపడేలా సమాజం తయారైందన్నారు.
నిజాంసాగర్మండలంలో అందరికీ దళితబంధు ఇచ్చామని, దీంతో మిగతా వర్గాలు మనకు ఓట్లు వేయలేదన్నారు. కొత్త ఒక వింత పాత ఒక రోతలా ప్రజలు భావించారని.. కాంగ్రెస్కు ఓట్లేసిన వాళ్లు కూడా కేసీఆర్సీఎం కానందుకు బాధ పడుతున్నారని తెలిపారు. నెల రోజుల్లోనే కాంగ్రెస్ప్రభుత్వం అప్రతిష్ట మూటగట్టుకుందని, ప్రజల నుంచి కాంగ్రెస్ఎమ్మెల్యేలకు నిరసన సెగలు మొదలయ్యాయని తెలిపారు. పార్లమెంట్ ఎన్నికల్లో బీఆర్ఎస్, బీజేపీ, కాంగ్రెస్మధ్య త్రిముఖ పోటీ జరగబోతోందని.. మూడు ముక్కలాటలో తమకే అనుకూల పరిస్థితులు ఉంటాయన్నారు. కాంగ్రెస్ప్రభుత్వం తిరోగమన చర్యలకు పాల్పడుతోందని, బీఆర్ఎస్ పథకాలను రద్దు చేస్తోందని కేటీఆర్ అన్నారు. కాంగ్రెస్కు ఓటేసిన వాళ్లు ఇప్పుడు పునరాలోచనలో పడ్డారన్నారు. జిల్లాల సంఖ్య తగ్గించేందుకు సీఎం రేవంత్రెడ్డి కమిషన్వేస్తానంటున్నారని.. జిల్లాలు రద్దు చేస్తే ప్రజలు ఊరుకుంటారా? అని ప్రశ్నించారు. ప్రభుత్వం మీద బీఆర్ఎస్తొందరపడి విమర్శలు చేయడంలేదన్నారు.
పార్టీలో ప్రక్షాళన జరగాలే: పోచారం
బీఆర్ఎస్ లో ప్రక్షాళన జరగాలని, నాయకులు నిత్యం ప్రజల్లో ఉండాలని ఆ పార్టీ నేత, మాజీ స్పీకర్పోచారం శ్రీనివాస్రెడ్డి అన్నారు. అసెంబ్లీ ఎన్నికల్లో కాంగ్రెస్తన శక్తితో గెలవలేదని, తమ బలహీనతలే ఆ పార్టీ గెలుపుకు కారణమన్నారు. కొందరు సొంత పార్టీ అభ్యర్థులను ఓడించారన్నారు. ఎన్నికల్లో ఓటమికి కార్యకర్తల తప్పు లేదని, నాయకులే బాధ్యత వహించాలన్నారు. కేసీఆర్ సీఎం కానందుకు ప్రజలు బాధ పడుతున్నారని అన్నారు. కాంగ్రెస్దుష్ప్రచారాన్ని గట్టిగా తిప్పికొట్టలేకపోయామని, ప్రభుత్వ పనుల్లో పడి పార్టీని పట్టించుకోలేక పోయామని మాజీ మంత్రి నిరంజన్రెడ్డి అన్నారు. ఓటమికి ఎన్నో కారణాలు ఉన్నాయని, వాటిని అధిగమించి పార్లమెంట్ఎన్నికల్లో కలిసికట్టుగా పని చేయాలన్నారు. స్వల్ప అనారోగ్యం కారణంగా రెండు రోజుల పాటు పార్లమెంట్సన్నాహక సమావేశాలకు దూరంగా ఉన్న కేటీఆర్ఆదివారం జహీరాబాద్సమీక్ష సమావేశంలో పాల్గొన్నారు. లంచ్బ్రేక్లో వీఐపీ లాంజ్లో కాకుండా కార్యకర్తలతో కలిసి భోజనం చేశారు.