పార్లమెంట్ బడ్జెట్ సమావేశాలు హాట్ హాట్ గా కొనసాగుతున్నాయి.. పలుకీలక బిల్లులకు లోక్ సభ ఇవాళ ఆమోదం తెలిపింది. కేంద్ర ప్రభుత్వ సంస్థలు నిర్వహించే పోటీ పరీక్షల్లో అక్రమాలను కట్టడిచేసేందుకు కీలక బిల్లును తీసుకొచ్చింది. పబ్లిక్ ఎగ్జామినేషన్స్ బిల్లు-2024కు లోక్ సభ ఆమోదించింది. కేంద్ర మంత్రి జితేంద్ర సింగ్ ఈ బిల్లును సభలో ప్రవేశపెట్టారు. ప్రతిభావంతులైన విద్యార్థులు, అభ్యర్థుల ప్రయోజనాలను కాపాడేందుకు దీన్ని తీసుకొచ్చామన్నారు.
పబ్లిక్ ఎగ్జామినేషన్స్ బిల్లు-2024కు సంబంధించి విపక్ష సభ్యులు ప్రతిపాదించిన కొన్ని సవరణలు తిరస్కరణకు గురయ్యాయి. ఆ తర్వాత లోక్ సభ బిల్లును ఆమోదించింది. ఈ బిల్లు అమల్లోకి వస్తే పేపరు లీకేజీ, మాల్ ప్రాక్టీస్, నకిలీ వెబ్ సైట్లను సృష్టించినా.. గరిష్ఠంగా పదేళ్ల జైలు శిక్ష, రూ.కోటి వరకూ జరిమానా పడనుంది. యూపీఎస్సీ, SCC, RRB, ఐబీపీఎస్ , NDA వంటి పోటీ పరీక్షలతోపాటు నీట్, జేఈఈ, సీయూఈటీ వంటి ప్రవేశ పరీక్షలకూ వర్తించనుంది .
