- గడువు ముగిసినా టెండర్డబ్బులు కట్టలే
- నోటీసులతో సరిపెట్టిన మున్సిపల్ అధికారులు
మంచిర్యాల, వెలుగు: మంచిర్యాల మున్సిపాలిటీ పరిధిలోని మేకల మండీని వేలంపాటలో దక్కించుకున్న కాంట్రాక్టర్ దానికి సంబంధించిన పైసలు కట్టలేదు. గడువు ముగిసినప్పటికీ అధికారులు తూతూమంత్రంగా నోటీసులు ఇచ్చి చేతులు దులుపుకున్నారు. 24 గంటల్లో సమాధానం ఇవ్వకపోతే టెండర్ రద్దు చేస్తామని నోటీసుల్లో పేర్కొని పది రోజులు గడిచినా ఎలాంటి చర్య లేదు. ఈ ఏడాది ఏప్రిల్ నుంచి వచ్చే సంవత్సరం మార్చి 31 వరకు మేకల మండీ నిర్వహణకు మార్చి 16న వేలంపాట నిర్వహించారు.
కాంట్రాక్టర్ బొంబోతుల శంకర్రూ.22 లక్షలకు దక్కించుకున్నాడు. 18 శాతం జీఎస్టీ రూ.3.96 లక్షలతో కలిపి రూ.25.96 లక్షలు ఏప్రిల్ 30 లోగా చెల్లించాల్సి ఉండగా, ఇప్పటివరకు రూ.8 లక్షలు మాత్రమే చెల్లించాడు. దీంతో మిగతా డబ్బులు వెంటనే కట్టాలని మున్సిపల్అధికారులు కాంట్రాక్టర్కు ఈ నెల 3న నోటీసులు జారీ చేశారు. నోటీసు అందిన 24 గంటల్లోగా సంజాయిషీ ఇవ్వకపోతే ఇప్పటివరకు చెల్లించిన రూ.8లక్షలను జప్తు చేయడంతో పాటు టెండర్ను రద్దు చేస్తామని పేర్కొన్నారు. కానీ ఇంతవరకు కాంట్రాక్టర్పై ఎలాంటి చర్యలు తీసుకోకపోవడం గమనార్హం.
