శంషాబాద్ విమానాశ్రయం.. ప్రయాణికులు, అధికారుల చెకప్లతో బిజీబిజీగా ఉంది. ఇంతలోనే ఓ ప్రయాణికుడు భయంతో పరుగులు తీశాడు. అతడి వెనకే మరికొందరూ దౌడు అందుకున్నారు. పిల్లిని చూసి చిరుత అనుకుని పరుగులు పెట్టారు. అధికారులూ, సిబ్బంది ఆందోళన చెందారు. వెంటనే ఫారెస్ట్ అధికారులకు సమాచారం ఇచ్చారు. వాళ్లొచ్చి.. అబ్బే అది చిరుతపులి కాదు, పిల్లి అని తేల్చేశారు. అధికారులు, ప్రయాణికులు, సిబ్బంది ఊపిరిపీల్చుకున్నారు. ఆ అడవి పిల్లిని పట్టుకున్న ఫారెస్ట్ అధికారులు జూకు తీసుకెళ్లిపోయారు.
