- హజార్డస్ వేస్ట్ను తరలిస్తుండగా దుండిగల్ ఓఆర్ఆర్ వద్ద ఘటన
జీడిమెట్ల, వెలుగు: ప్రమాదకర రసాయన ఘన వ్యర్థాల(హజార్డస్ వేస్ట్)ను తీసుకెళ్తున్న ఓ లారీ అకస్మాత్తుగా మంటలు చెలరేగి దగ్ధమైంది. ఈ ఘటన దుండిగల్ పోలీస్ స్టేషన్ పరిధిలో చోటుచేసుకుంది. రాంకీ వేస్ట్మేనేజ్మెంట్ప్లాంట్కు చెందిన లారీ గురువారం సాయంత్రం ఘన వ్యర్థాలను పటాన్చెరు నుంచి దుండిగల్కు తీసుకెళ్తోంది.
ఔటర్రింగ్రోడ్డు దుండిగల్ఎగ్జిట్నంబర్5 వద్దకు రాగానే ఒక్కసారిగా లారీలోని హజార్డస్ వేస్ట్లో మంటలు చెలరేగాయి. గమనించిన డ్రైవర్లారీని పక్కకు ఆపాడు. కానీ, మంటలు వేగంగా వ్యాపించడంతో వాహనం వెనకభాగం దగ్ధమైంది. సమాచారం అందుకున్న జీడిమెట్ల అగ్నిమాపక సిబ్బంది సంఘటన స్థలానికి వెళ్లేసరికి లారీ అక్కడినుంచి వెళ్లిపోయింది. ఈ ఘటనపై ప్రయాణికులు ఆగ్రహం వ్యక్తం చేశారు. ప్రమాదకర వ్యర్థాలను నిర్లక్ష్యంగా తీసుకెళ్లడం ఏంటని, ఏదైనా ప్రమాదం జరిగితే ఎవరు బాధ్యులని ప్రశ్నించారు.
