అంజన్ రామచంద్ర, శ్రావణి రెడ్డి జంటగా స్మరన్ రెడ్డి దర్శకత్వంలో రూపొందుతున్న చిత్రం ‘లవ్ రెడ్డి’. హేమలత రెడ్డి, మదన్ గోపాల్ రెడ్డి, ప్రభంజనం రెడ్డి, నాగరాజు బీరప్ప కలిసి నిర్మిస్తున్నారు. ఈ మూవీ ఫస్ట్ లుక్‌‌‌‌ను దర్శకుడు ప్రశాంత్ వర్మ రిలీజ్ చేశారు. ఈ సందర్భంగా ఏర్పాటు చేసిన ప్రెస్‌‌‌‌మీట్‌‌‌‌లో ప్రశాంత్ వర్మ మాట్లాడుతూ ‘ఫస్ట్ లుక్ చాలా ఫ్రెష్ గా ఉంది.
ఇది చూస్తుంటే నాకు కూడా ఒక లవ్ స్టోరీ చేయాలని అనిపించింది. టీమ్ అందరికీ ఆల్ ద బెస్ట్’ అని చెప్పాడు. స్మరన్ మాట్లాడుతూ ‘ఆంధ్ర , కర్ణాటక సరిహద్దు ప్రాంతంలో జరిగే ప్రేమకథ ‘లవ్ రెడ్డి’. అందరికీ కనెక్ట్ అయ్యేలా ఉంటుంది’ అన్నాడు. మంచి సినిమాతో ప్రేక్షకుల ముందుకు రాబోతున్నందుకు సంతోషంగా ఉందన్నారు అంజన్ రామచంద్ర, శ్రావణి.
