హైదరాబాద్లో లోన్ యాప్ ఆగడాలు ఆగడం లేదు. తాజాగా మరో వ్యక్తి లోన్ యాప్ వేధింపులతో చనిపోయాడు. రాజేంద్రనగర్ శాస్త్రీపురంలో రైలు కింద పడి ఫైర్ మెన్ సుధాకర్ ఆత్మహత్య చేసుకున్నాడు. గోల్డెన్ రూపీ యాప్ ద్వారా సుధాకర్ 6 వేలు లోన్ తీసుకున్నాడు. అయితే తీసుకున్న లోన్ కట్టకపోవడంతో యాప్ ఏజెంట్లు వేధింపులకు గురిచేశారు. సుధాకర్ బంధువులకు అసభ్యకరమైన మెసేజ్లు పెట్టారు. దీంతో తీవ్ర మనస్తాపానికి గురైన సుధాకర్ రైలు కింద పడి ఆత్మహత్య చేసుకున్నాడు. ఈ ఘటనపై కేసు నమోదు చేసుకున్న పోలీసులు దర్యాప్తు చేస్తున్నారు. లోన్ యాప్ల పట్ల అప్రమత్తంగా ఉండాలని ప్రజలకు పోలీసులు సూచిస్తున్నారు.
