సోషల్ మీడియా సరదాలు ప్రాణాలు తీస్తున్నాయి. మొన్నటికి మొన్న ఓ జంట సముద్రం ఒడ్డున ఫొటోలు దిగుతుంటే.. ఓ రాకాసి అల అమాంతం మహిళను సంద్రంలోకి లాక్కెళ్లింది. అలా ప్రకృతి ప్రకోపానికి ఎదురెళ్లి ఎందరో బలైపోతున్నారు. ఇలాంటి ఘటనే జులై 24న కర్ణాటకలో జరిగింది.శివమొగ్గ జిల్లా భద్రావతికి చెందిన 23 ఏళ్ల యువకుడు అరసినగుండి వాటర్ఫాల్స్ ని చూసేందుకు ఫ్రెండ్స్ తో కలిసి వెళ్లాడు.
జలపాతం అంచున బండరాయిపై నిలబడి వీడియోలకు ఫోజులిచ్చాడు. అంతలో కాలు జారి నీళ్లలో పడిపోయాడు. ఆ తరువాత అమాంతం నీటి ప్రవాహంలో కొట్టుకుపోయాడు. అతని ఫ్రెండ్స్ పోలీసులకు సమాచారం అందించడంతో గజ ఈతగాళ్ల సాయంతో యువకుడి కోసం గాలిస్తున్నారు.
ప్రమాదానికి సంబంధించిన వీడియో బాధితుడి ఫ్రెండ్ ఫోన్లో రికార్డ్ అయ్యాయి. ఇది ప్రస్తుతం సోషల్ మీడియాలో వైరల్ గా మారింది. నీటి వనరుల ప్రాంతాలకు టూరిస్టులు వెళ్తే తగిన జాగ్రత్తలు తీసుకోవాలని అధికారులు సూచిస్తున్నారు.
