మంచిర్యాల/లక్సెట్టిపేట, వెలుగు: నస్పూర్ మున్సిపల్ కార్మికులకు 2019 నుంచి 2026 వరకు ఈపీఎఫ్, ఈఎస్ఐ బకాయిలను చెల్లించారు. మున్సిపల్ కాంట్రాక్ట్ కార్మిక సంఘం ఆధ్వర్యంలో శుక్రవారం మేడే వేడుకలు నిర్వహించారు. ఈ సందర్భంగా చీఫ్గెస్ట్గా హాజరైన ఎమ్మెల్యే ప్రేమ్సాగర్ రావు చేతుల మీదుగా కార్మికుల బకాయిలు రూ.1.33 కోట్లకు సంబంధించిన చెక్కు అందజేశారు. కార్మికుల న్యాయమైన సమస్యలను వెంటనే పరిష్కరిస్తామని ఆయన హామీ ఇచ్చారు.
లక్సెట్టిపేటలో జరిగిన కార్యక్రమంలో లక్సెట్టిపేట, దండేపల్లి , మండలాల్లోని లబ్ధిదారులకు కల్యాణలక్ష్మి, షాదీ ముబారక్ చెక్కులు పంపిణీ చేశారు. కార్యక్రమంలో కార్పొరేషన్ మేయర్ ధరణి మధుకర్, డిప్యూటీ మేయర్ సల్ల రమ్య, కమిషనర్ అన్వేష్, కాంట్రాక్ట్ కార్మిక సంఘం గౌరవ అధ్యక్షుడు సుదమల్ల హరికృష్ణ, లక్సేట్టిపేట మున్సిపల్ చైర్పర్సన్ దొంత అంజలి, వైస్ చైర్పర్సన్ మోత్కూరి రాజేశ్వరి తదితరులు పాల్గొన్నారు.
