Manipur Issue: మోదీ సర్కార్ పై బీఆర్ఎస్ అవిశ్వాస తీర్మానం

మణిపూర్ అంశంపై పార్లమెంటులో చర్చించాలన్న ప్రతిపక్షాల వాదనను మరింత బలం చేకూరేందుకు నేతలు నేడు అవిశ్వాస తీర్మానం పెట్టే యోచనలో ఉన్నట్టు తెలుస్తోంది. ఇప్పటికే ఈ విషయంపై ప్రధాని మోదీ స్పందించాలని వర్షాకాల సమావేశాల ప్రారంభం నుంచి విపక్షాలు డిమాండ్ చేస్తున్నారు. కేంద్ర హోం మంత్రి అమిత్ షా ఈ విషయంపై చర్చిస్తామని ఇటీవల ప్రతిపక్షాలకు కూడా లేఖ రాశారు. అయితే తాజాగా మోదీ సర్కార్ పై బీఆర్ఎస్ అవిశ్వాసం తీర్మానం పెట్టింది. బీఆర్ఎస్ తరపు నుంచి నామా నాగేశ్వరరావు ఈ తీర్మానాన్ని పెట్టినట్టు తెలుస్తోంది.

ఈ క్రమంలోనే కేంద్రంలోని బీజేపీ ప్రభుత్వంపై అవిశ్వాస తీర్మానం ప్రవేశపెట్టాలని ప్రతిపక్షం నిర్ణయించినట్లు తెలుస్తోంది. ఇప్పటికే డ్రాఫ్ట్‌ సిద్ధం కాగా.. ఈ రోజు లోక్‌సభలో ప్రవేశపెట్టే ఆలోచనలో ఉన్నట్లు సమాచారం. దీనిపై సమాధానం చెప్పడానికి, చర్చించడానికి సిద్ధంగా ఉన్నట్లు కేంద్ర హోంశాఖ మంత్రి అమిత్ షా ప్రకటించినప్పటికీ.. ప్రధాని మోదీయే సమాధానం చెప్పాలని విపక్షాలు పట్టుబడుతున్నాయి.