బూర్గంపహాడ్, వెలుగు: కరోనా సోకిన తండ్రికి సేవలు చేసి.. ధైర్యం చెప్పిన కొడుకు చివరకు వైరస్తో మృతిచెందాడు. భద్రాద్రి కొత్తగూడెం జిల్లా బూర్గంపహాడ్ మండలం మోతె పట్టీనగర్ గ్రామానికి చెందిన మోతే వీరభద్రస్వామి ఆలయం మాజీ చైర్మన్ తాళ్లూరి శ్రీనివాసరావు 15 రోజుల క్రితం కరోనా బారిన పడ్డారు. ఖమ్మంలోని ప్రైవేట్ ఆస్పత్రిలో చేర్పించి చికిత్స అందించారు. ఆ సమయంలో శ్రీనివాసరావు కొడుకు తాళ్లూరి శ్రీకాంత్(30) తండ్రికి సేవలు అందించి ధైర్యం చెప్పాడు. ఈ క్రమంలో ఐదు రోజుల క్రితం శ్రీకాంత్ కూడా కరోనా బారిన పడ్డాడు. హోమ్ ఐసోలేషన్ లో ఉండి చికిత్స పొందుతున్న తరుణంలో ఆదివారం ఉదయం ఆరోగ్యం విషమించి శ్రీకాంత్ మృతిచెందాడు. మృతుడికి గత ఏడాది పెండ్లయింది. శ్రీకాంత్మృతితో కుటుంబంలో తీవ్ర విషాదం నెలకొంది. బూర్గంపహాడ్ సొసైటీ అధ్యక్షుడు బిక్కసాని శ్రీనివాసరావు, మాజీ ఎంపీటీసీ వల్లూరిపల్లి వంశీకృష్ణ, కుటుంబసభ్యులు పీపీటీ కిట్లు ధరించి అంత్యక్రియలు నిర్వహించారు.
భర్త మృతి.. భార్య సూసైడ్
జీడిమెట్ల, వెలుగు: ఫ్యామిలీ మొత్తానికి కరోనా సోకడం.. భర్తకు సీరియస్అవ్వడంతోమనస్తాపానికి గురైన భార్య ఆత్మహత్య చేసుకుంది. ఈ ఘటన హైదరాబాద్లోని జీడిమెట్ల పోలీస్స్టేషన్ పరిధిలో జరిగింది. గణేశ్నగర్, కల్పనా సొసైటీకి చెందిన కె. ఆదినారాయణ, కె.కనకదుర్గ భార్యభర్తలు. వీరికి కొడుకు, కూతురు ఉన్నారు. 10 రోజుల క్రితం నలుగురికీ పాజిటివ్అని తేలింది. తర్వాత ఆదినారాయణ హాస్పిటల్లో అడ్మిట్ అయ్యారు. ఆదివారం ఉదయం అతనికి సీరియస్గా ఉందని తెలిసి మనస్తాపం చెందిన కనకదుర్గ ఇంట్లో ఉరి వేసుకుని సూసైడ్చేసుకుంది. ఆమె చనిపోయిన 15 నిమిషాలకు ఆదినారాయణ హాస్పిటల్లో మృతిచెందారు.
భయంతో యువకుడి ఆత్మహత్య
కోదాడ, వెలుగు: వారం రోజులుగా జర్వం తగ్గకపోవడంతో కరోనానేమో అనే భయంతో ఓ యువకుడు చెరువులో దూకి సూసైడ్చేసుకున్నాడు. ఈ ఘటన సూర్యాపేట జిల్లా కోదాడలో జరిగింది. పోలీసులు, స్థానికుల వివరాల ప్రకారం.. కోదాడ సాయికృష్ణ థియేటర్ సమీపంలో ఉండే గునుగుంట్ల నవీన్కుమార్(28) పోస్టల్ ఉద్యోగి. నల్లొండ జిల్లా నిడమనూరులో పని చేస్తున్నాడు. కాగా నవీన్కు వారం రోజులుగా తీవ్ర జ్వరం తగులుతోంది. కోదాడలోని ఇంట్లో ఉంటూ మెడిసిన్ వాడుతున్నా తగ్గలేదు. కరోనా సోకిందేమోనని భయంతో ఆదివారం టౌన్లోని పెద్దచెరువులో దూకి ఆత్మహత్య చేసుకున్నాడు.
ఒక్కరోజు తేడాతో భార్యాభర్తల మృతి
నకిరేకల్, వెలుగు: ఒక్కరోజు తేడాతో భార్యభర్తలు కరోనాతో చనిపోయారు. నల్గొండ జిల్లా నకిరేకల్ రోడ్డులో ఉండే కళమ్మ(62)కు వారం కింద కరోనా సోకడంతో నల్గొండలోని ప్రైవేట్ హాస్పిటల్లో అడ్మిట్అయ్యింది. చికిత్స పొందుతూ శుక్రవారం చనిపోయింది. అదే రోజు ఆమె భర్త(70)కు టెస్టు చేయగా పాజిటివ్ వచ్చింది. కుటుంబ సభ్యులు వెంటనే ప్రైవేట్ హాస్పిటల్లో చేర్చించారు. ట్రీట్మెంట్తీసుకుంటూ ఆదివారం తెల్లవారు జామున చనిపోయారు.
కరోనాతో విలేకరి మృతి
మెట్పల్లి, వెలుగు: కరోనాతో విలేకరి చనిపోయారు. జగిత్యాల జిల్లా మెట్ పల్లికి చెందిన బోనగిరి అరుణ్కుమార్(38) నవ తెలంగాణ రిపోర్టర్. వారం క్రితం కరోనా సింప్టమ్స్కనపడడంతో టెస్టు చేయించుకున్నారు. పాజిటివ్అని తేలింది. పట్టణంలోని ఓ ప్రైవేట్హాస్పిటల్ లో ట్రీట్మెంట్ తీసుకున్నారు. రెండు రోజుల తర్వాత ఆక్సిజన్లెవల్స్తగ్గడంతో కరీంనగర్లోని ప్రైవేట్హాస్పిటల్లో అడ్మిట్అయ్యారు. అక్కడ చికిత్స పొందుతూ ఆదివారం ఉదయం చనిపోయారు. మృతుడికి భార్య, ఇద్దరు పిల్లలు ఉన్నారు. అరుణ్కుమార్ ప్రస్తుతం మెట్పల్లి ప్రెస్క్లబ్ ప్రెసిడెంట్ గా చేస్తున్నారు. ఎంపీ ధర్మపురి అర్వింద్, కోరుట్ల ఎమ్మెల్యే విద్యాసాగర్ రావు, బీజేపీ జిల్లా ప్రెసిడెంట్ సత్యనారాయణ తదితరులు అరుణ్ మృతికి సంతాపం ప్రకటించారు.
బీబీనగర్లో తల్లిదండ్రులు, కొడుకు..
యాదాద్రి, వెలుగు: యాదాద్రి జిల్లా బీబీనగర్మండలం నెమురగోములలో పది రోజుల వ్యవధిలో తల్లిదండ్రులు, కొడుకు కరోనాతో చనిపోయారు. గ్రామానికి చెందిన సురకంటి బాలమణి(70), సురకంటి చంద్రయ్య(75) భార్యాభర్తలు. వీరికొడుకు జంగయ్య(45). ఇటీవల బాలమణి, చంద్రయ్యకు కరోనా సోకడంతో జంగయ్య హైదరాబాద్లోని ఓ ప్రైవేట్ హాస్పిటల్లో చేర్పించాడు. చికిత్స పొందుతూ బాలమణి మే1న మృతిచెందింది. చంద్రయ్య 3న చనిపోయాడు. ఆ తర్వాత జంగయ్య టెస్టు చేయించుకోగా పాజిటివ్వచ్చింది. చికిత్సపొందుతూ ఆదివారం తెల్లవారుజామున జంగయ్య మృతిచెందాడు. ప్రస్తుతం జంగయ్య భార్యకి కరోనా పాజిటివ్రావడంతో ట్రీట్మెంట్పొందుతున్నట్టు సమాచారం. జంగయ్యకు ఇద్దరు కూతుళ్లు, కొడుకు ఉన్నారు.