యాంగ్జైటీ, స్ట్రెస్తో ఉన్నప్పుడు, బోర్గా అనిపించి నప్పుడు ఏం చేయాలో తోచదు చాలామందికి. దాంతో తెలియకుండానే గోర్లు కొరుకుతుంటారు. అప్పుడు ఉన్న సిచ్యుయేషన్ నుంచి రిలీఫ్ కోసమే వాళ్లు గోర్లు కొరుకుతారని అంటోంది డైటీషియన్ ఐశ్వర్య విచారె. ఈ అల వాటు మానేయడానికి ఆమె చెప్తున్న టిప్స్ కొన్ని..
గోర్లు కొరికే అలవాటుని ‘ఒనికోఫాగియా’ అంటారు. అమెరికన్ సైకియాట్రిక్ అసోసియేషన్ ప్రకారం ‘‘గోర్లు కొరకడం అనేది తెలియకుండా, సహజంగా జరిగిపోతుంది. చాలామంది నెర్వస్, ఒత్తిడి, టెన్షన్, ఒంటరితనం నుంచి బయటపడేందుకు గోర్లు కొరుకుతారు. ఇంకొందరు ఆకలి వేసినప్పుడు కూడా గోర్లు కొరుకు తారు’’. ఈ సమస్యకు జెనెటికల్, సైకియాట్రిక్ కారణాలు కూడా ఉన్నాయి. ఈ అలవాటు ఉన్నవాళ్ల గోర్లు విరిగినట్టు ఉంటాయి. దాంతో అన్నం తినేటప్పుడు పదునైన గోర్ల అంచులు తగిలి, చిగుళ్లకు గాయాలయ్యే ఛాన్స్ ఉంది. అంతేకాదు గోర్ల దగ్గరి క్యుటికిల్ (మెత్తని చర్మం) కూడా దెబ్బతింటుంది. అక్కడ బ్యాక్టీరియా, ఫంగస్, వైరస్ వంటివి చేరతాయి. చేతితో తినేటప్పుడు ఇవి పొట్టలోకి వెళ్లి, రకరకాల ఇన్ఫెక్షన్లకు కారణమవుతాయి.
ఈ అలవాటు మానేందుకు
టెన్షన్లో ఉన్నప్పుడు గోర్లు కొరకడం మానేయాలంటే నోటికి మౌత్ గార్డ్ పెట్టుకోవాలి. గోర్లకు ఘాటు వాసన, చేదు రుచి ఉన్న నెయిల్ పాలిష్ పెట్టాలి. గోర్లని చిన్నగా కత్తిరించుకోవాలి. ముఖ్యంగా టెన్షన్గా, ఒంటరిగా ఉన్నప్పుడు గోర్లు కొరకకుండా ఉండేందుకు చూయింగ్ గమ్, సోంపు వంటివి నమలాలి. ఈ సమస్య ఉన్నవాళ్లు పర్మినెంట్ సొల్యూషన్ కోసం డాక్టర్ని కలిస్తే బెటర్.