హైదరాబాద్ వనస్థలిపురం సుష్మసాయి నగర్ లో వివాహిత ఆత్మహత్య చేసుకుంది. ఐదంతస్తుల బిల్డింగ్ పై నుంచి దూకడంతో ఆమె స్పాట్ లోనే చనిపోయింది. సైదాబాద్ కు చెందిన నివేదిత సుష్మ సాయినగర్ లో ఉంటున్న సాఫ్ట్ వేర్ రఘు ప్రసాద్ కి 8 నెలల కిందట వివాహం జరిగింది. కొద్ది రోజులుగా భార్య, భర్తల మధ్య గొడవలు జరుగుతున్నాయని బంధువులంటున్నారు. అత్తింటి వేధింపులతోనే నివేదిత ఆత్మహత్య చేసుకొందని తండ్రి ఆరోపించాడు. దాంతో.. భర్త రఘు ప్రసాద్ ను అదుపులోకి తీసుకుని విచారిస్తున్నారు పోలీసులు.
