ఫేస్బుక్ పేరెంట్ కంపెనీ మెటా ఈ నెల 20 నుంచి సుమారు 8,000 మంది ఉద్యోగులను తొలగించనున్నట్టు సమాచారం. మరో టెక్ కంపెనీ సిస్కో నాలుగు వేల మందిని తొలగించాలని నిర్ణయించింది. ఏఐతో వస్తున్న మార్పులకు అనుగుణంగా సంస్థను మారుస్తున్నామని తెలిపింది.
న్యూఢిల్లీ: అమెరికన్ టెక్ కంపెనీల్లో ఉద్యోగాల కోతలు కొనసాగుతూనే ఉన్నాయి. ఫేస్బుక్ పేరెంట్కంపెనీ మెటా ఈ నెల 20 నుంచి సుమారు 8,000 మంది ఉద్యోగులను తొలగించనున్నట్టు సమాచారం. ఎడాపెడా పింక్ స్లిప్స్ ఇస్తుండటంతో తమ నైతిక ధైర్యం మునుపెన్నడూ లేనంతగా తగ్గిందని, కేవలం ఉన్నతాధికారులు తప్ప మిగిలిన వారంతా అసంతృప్తితో ఉన్నారని ఉద్యోగులు చెబుతున్నారు. మరో టెక్ కంపెనీ సిస్కో నాలుగు వేల మందిని తొలగించాలని నిర్ణయించింది.
ఏఐ రంగంలో వస్తున్న మార్పులకు అనుగుణంగా సంస్థను మార్చడమే ఇందుకు కారణం. ప్రపంచవ్యాప్తంగా ఉన్న మొత్తం ఉద్యోగుల్లో ఐదు శాతం మందికి పింక్ స్లిప్స్ రానున్నాయి. మైక్రోసాఫ్ట్కు చెందిన లింక్డ్ ఇన్ 875 మందిని, వాల్మార్ట్ వెయ్యి మందిని తొలగించనున్నాయి. క్లౌడ్ కంప్యూటింగ్ రంగంలో పెరుగుతున్న పోటీని తట్టుకోవడానికి కంపెనీలు ఇలాంటి నిర్ణయాలు తీసుకుంటున్నాయని ఎనలిస్టులు చెబుతున్నారు.
