అసెంబ్లీ ఎన్నికల్లో ప్రజాతీర్పును గౌరవిస్తున్నామని మంత్రి హరీశ్ రావు ట్వీట్ చేశారు. కాంగ్రెస్పార్టీకి అభినందనలు తెలిపారు. రెండు సార్లు బీఆర్ఎస్కు అవకాశమిచ్చిన ప్రజలు ఈసారి కాంగ్రెస్ను ఆదరించారని, ప్రజల నమ్మకాన్ని దృష్టిలో పెట్టుకొని కాంగ్రెస్ పాలన సాగాలని కోరుతున్నట్లు తెలిపారు. ఎన్నికల సమరంలో బీఆర్ఎస్ అభ్యర్థులకు మద్దతుగా రేయింబవళ్లు శ్రమించిన పార్టీ శ్రేణులకు, ఆదరించిన ప్రజలకు కృతజ్ఞతలు చెప్పారు. ప్రజాతీర్పును శిరసావహిస్తామని.. దీన్ని విశ్లేషించుకొని ముందుకు సాగుతామన్నారు.
