బీసీలందరికీ బీసీ బంధు ఇవ్వాలని ఎమ్మెల్యే రఘునందన్ రావు డిమాండ్ చేశారు. సిద్దిపేట జిల్లా దుబ్బాక మండలం హబ్సీపూర్ చౌరస్తా దగ్గర బీజేపీ ఆధ్వర్యంలో ఎమ్మెల్యే రఘునందన్ రావు ధర్నా చేపట్టారు. బీసీలందరికీ బీసీ బంధు ఇవ్వాలని బీఆర్ఎస్ప్రభుత్వానికి వ్యతిరేకంగా నినాదాలు చేశారు.
బీసీలోని చాలా కులాల్లోని వారు ఆర్థికంగా వెనుకబడి ఉన్నాయని రఘునందన్ రావు తెలిపారు. కొందరికే బీసీ బంధు ఇవ్వడం సరికాదని, అర్హులైన అందరికీ ఇవ్వాలని డిమాండ్చేశారు. రోడ్డుపై లబ్ధిదారులు బైఠాయించడంతో రోడ్డుకి ఇరువైపులా వాహనాలు నిలిచిపోయి.. భారీ ట్రాఫిక్ జామ్ ఏర్పడింది.
