- ఎమ్మెల్సీ కల్వకుంట్ల కవిత ప్రకటన
హైదరాబాద్, వెలుగు: సింగరేణి గుర్తింపు సంఘం ఎన్నికల్లో తెలంగాణ బొగ్గు గని కార్మిక సంఘం (టీబీజీకేఎస్) పోటీ చేస్తుందని సంఘం గౌరవ అధ్యక్షురాలు, ఎమ్మెల్సీ కల్వకుంట్ల కవిత ఒక ప్రకటనలో తెలిపారు. కేసీఆర్సీఎంగా ఉన్నప్పుడే సంస్థను పరిరక్షించేందుకు, కార్మికుల సంక్షేమానికి ఎంతో కృషి చేశామని చెప్పారు. కార్మికులు ఆత్మసాక్షిగా ఓటేసి టీబీజీకేఎస్ను గెలిపించాలని విజ్ఞప్తి చేశారు. సంస్థను లాభాల బాట పట్టించేందుకు కేసీఆర్ప్రభుత్వం ఎనలేని కృషి చేసిందని తెలిపారు. బీఆర్ఎస్ హయాంలో 20 వేల డిపెండెంట్ఉద్యోగాలు ఇచ్చి యువతకు అవకాశాలు కల్పించామన్నారు. డిపెండెంట్ఉద్యోగం వద్దనుకునే కుటుంబానికి రూ.25 లక్షలు చెల్లించామని వివరించారు. కార్మికుని కుటుంబంలోని మహిళలకు డిపెండెంట్ఉద్యోగాలు కల్పించిన ఘనత కేసీఆర్కు దక్కుతుందని వెల్లడించారు.
