హైదరాబాద్, వెలుగు: ‘‘గ్యారంటీలు ఇచ్చేందుకు గాంధీలు.. క్షమాపణలకు బంట్రోతులా..’’ అని ఎమ్మెల్సీ కల్వకుంట్ల కవిత ట్విట్టర్లో ప్రశ్నించారు. అమరవీరులపై కాంగ్రెస్ సీనియర్ నేత చిదంబరం చేసిన వ్యాఖ్యలపై ఆమె స్పందించారు. సోనియా, రాహుల్ గాంధీ అమరవీరుల స్తూపం ముందు మోకరిల్లినా వారి పాపాలకు ప్రాయశ్చిత్తం లేదన్నారు.
అమరవీరుల తల్లుల కడుపుకోత పదేండ్లలో గాంధీ కుటుంబానికి ఒక్కసారి కూడా గుర్తుకు రాలేదా? అని ప్రశ్నించారు. 6 దశాబ్దాలు తెలంగాణను మోసం చేసిన గాంధీ కుటుంబానికి క్షమాపణ చెప్పడం రాదా? అని నిలదీశారు. ఈ రోజుకూ గాంధీ కుటుంబానికి అమరుల స్తూపానికి దారి తెలియకపోవడం బాధాకరమని ఎమ్మెల్సీ కవిత అన్నారు.
