ఎంపీ అసదుద్దీన్ ఒవైసీ
నారాయణపేట, వెలుగు: సీఏఏ ముస్లింలకు వ్యతిరేకంగా తీసుకొచ్చిన చట్టమని, దీనికి వ్యతిరేకంగా కేరళ అసెంబ్లీలో తీర్మానం చేసినట్టుగానే తెలంగాణ అసెంబ్లీలో కూడా చేయాలని ఎంఐఎం చీఫ్, హైదరాబాద్ ఎంపీ అసదుద్దీన్ ఒవైసీ డిమాండ్ చేశారు. మోడీ ప్రభుత్వం ఎన్నో హామీలు ఇచ్చిందని, అందులో ఒక్కటి కూడా నెరవేర్చలేదన్నారు. ప్రతి ఒక్కరి బ్యాంక్ ఎకౌంట్లో రూ.15వేలు వేస్తామని చెప్పి రూపాయి ఇవ్వలేదన్నారు. నోట్ల రద్దుతో వందల కోట్లు బయటికి తీసుకొస్తానన్నారని, ఇప్పటివరకు ఎన్ని కోట్లు తెచ్చాడో చెప్పాలన్నారు. పేదలకు ఇబ్బందులకు గురి చేసే చట్టాలను తీసుకొస్తున్న బీజేపీని ఈ మున్సిపల్ ఎన్నికల్లో ఓడించాలన్నారు. ఎంఐఎం అభ్యర్థులను భారీ మెజారిటీతో గెలిపించాలని ఒవైసీ కోరారు.
