వెలుగు, హైదరాబాద్: కాంగ్రెస్ పార్టీ పెద్దపల్లి ఎంపీ అభ్యర్థి గడ్డం వంశీకృష్ణ శుక్రవారం సీఎం రేవంత్ రెడ్డిని కలిశారు. ఆయనతోపాటు తాజా లిస్టులో టికెట్లు దక్కించుకున్న కాంగ్రెస్ అభ్యర్థులు దానం నాగేందర్, డాక్టర్ మల్లు రవి సీఎంను జూబ్లీహిల్స్ లోని ఆయన నివాసంలో మర్యాదపూర్వకంగా కలిసి కృతజ్ఞతలు తెలిపారు.
ఈ సందర్భంగా సీఎం రేవంత్ రెడ్డిని సన్మానించి, తమ ఎంపికకు సహకరించినందుకు ధన్యవాదాలు చెప్పారు. వారి వెంట మంత్రి జూపల్లి కృష్ణారావు, చెన్నూర్ ఎమ్మెల్యే వివేక్, బెల్లంపల్లి ఎమ్మెల్యే వినోద్, బోధన్ ఎమ్మెల్యే సుదర్శన్రెడ్డి తదితరులు ఉన్నారు.
