న్యూఢిల్లీ : టెస్లా బాస్ మస్క్ తన ప్రొఫైల్ పేరును 'నాటియస్ మాగ్జిమస్' అని మార్చారు. ప్రపంచంలోనే అత్యంత సంపన్నుడిని అని కూడా పేర్కొన్నారు. ఇప్పుడున్న ఫొటోను తొలగించి చిన్ననాటి ఫొటోను అప్లోడ్ చేశారు. తన ఐడీ కింద "సెంచూరియన్ ఇన్ జెరూసలేం గారిసన్" అనే క్యాప్షన్ కనిపిస్తోంది. హింసాత్మక లేదా సంఘ వ్యతిరేక ప్రవర్తన ఉన్న వ్యక్తిని ‘నాటియస్ మాక్సిమస్’ అంటారు. కొంటెతనం ఎక్కువగా ఉండే పిల్లలకు ఈ పదాన్ని ఎక్కువగా వాడుతారు.
ట్విటర్ కోసం ఇచ్చిన ఆఫర్ను వెనక్కి తీసుకోవడంపై కోర్టులో విచారణ జరుగుతున్న నేపథ్యంలో ఆయన ఈ మార్పులు చేశారు. ఇదిలా ఉంటే, స్పామ్ ఎకౌంట్లు ఎక్కువగా ఉన్నందున ట్విటర్తో డీల్ను రద్దు చేసుకుంటున్నట్టు మస్క్గతంలోనే ప్రకటించారు. దీనిపై ట్విటర్ న్యాయపోరాటం చేస్తోంది. మరోవైపు, తమ కంపెనీని కొనేందుకు టెస్లా చీఫ్ఎలన్ మస్క్తో చేసుకున్న 44 బిలియన్ డాలర్ల విలువైన కొనుగోలు ఒప్పందానికి తమ షేర్హోల్డర్లు గ్రీన్సిగ్నల్ఇచ్చారని ట్విటర్ తెలిపింది.
