కామారెడ్డి, వెలుగు: కామారెడ్డి జిల్లాలో పెండ్లి భోజనానికి వెళ్లిన ఓ వ్యక్తి గొంతులో మటన్బొక్క ఇరుక్కుపోయింది. స్థానికులు తెలిపిన వివరాల ప్రకారం.. పాల్వంచ మండల కేంద్రానికి చెందిన బాలయ్య శుక్రవారం ఉదయం స్థానికంగా జరిగిన బంధువుల పెండ్లికి వెళ్లాడు. అందరితో కలిసి భోజనం చేస్తుండగా, మటన్బొక్క గొంతులో ఇరుక్కుపోయింది. బయటికి తీసేందుకు ట్రై చేసినా రాలేదు. మంచినీళ్లు తాగినా లోపలికి పోలేదు. దీంతో కుటుంబ సభ్యులు అతన్ని కామరెడ్డి జిల్లా కేంద్రంలోని ఓ ప్రైవేట్ హాస్పిటల్ కు తరలించారు. పరిశీలించిన డాక్టర్ గొంతులోని ఇరుక్కున్న మటన్ బొక్కను బయటకు తీశారు. బాలయ్య ప్రాణాపాయ స్థితి నుంచి బయటపడ్డాడు.
